आगीच्या घटनेवर दिल्लीच्या मुख्यमंत्र्यांची प्रतिक्रिया, म्हणाले...

दिल्ली : पश्चिम दिल्लीतील मुंडका मेट्रो स्टेशनजवळील एका तीन मजली इमारतीला शुक्रवारी लागलेल्या आगीत 20 जणांचा मृत्यू झाला आहे. दरम्यान अग्निशमन दलाच्या अधिका-यांनी सांगितले की, या इमारतीत आणखी लोक अडकले असण्याची शक्यता आहे, तसेच बचाव कार्य सुरू असल्याने ही संख्या वाढू शकते. (Delhi Fire Accident)

दिल्लीचे मुख्यमंत्री अरविंद केजरीवाल यांनी या घटनेबद्दल दु:ख व्यक्त केलं आहे. त्यांनी ट्विट करत, या दु:खद घटनेबद्दल धक्का बसला आणि वेदना झाल्याचे म्हटले आहे, तसेच त्यांनी मी सतत अधिका-यांच्या संपर्कात असून अग्निशमन जवान आगीवर नियंत्रण मिळवण्यासाठी आणि जीव वाचवण्यासाठी सर्वतोपरी प्रयत्न करत आहेत. देव सर्वांचे रक्षण करो असे म्हटले आहे.