भीषण अपघातानंतर पोलिसांच्या गाडीला आग; तिघांचा होरपळून मृत्यू, दोघे गंभीर | Bihar | Sakal
sakal

बोलून बातमी शोधा

Bihar

एका ट्रकने पोलिसांच्या गाडीला धडक दिल्यानं तीन पोलिस कर्मचाऱ्यांचा मृत्यू झाल्याची घटना बिहारमध्ये (Bihar) घडली आहे.

भीषण अपघातानंतर पोलिसांच्या गाडीला आग; तिघांचा होरपळून मृत्यू

एका ट्रकने पोलिसांच्या गाडीला धडक दिल्यानं तीन पोलिस कर्मचाऱ्यांचा मृत्यू झाल्याची घटना बिहारमध्ये (Bihar) घडली आहे. या अपघातात इतर दोन पोलिस कर्मचारी जखमी झाले आहे. पटनामध्ये हा अपघात झाला. याची माहिती प्रशिक्षणार्थी डीएसपी प्रांजल त्रिपाठी(Pranjal Tripathi) यांनी दिली. पोलिस कर्मचारी गस्त घालण्यासाठी जात होते यावेळी हा अपघात झाला आहे. अपघातात तीन पोलिसांचा जागीच मृत्यू झाला आहे तर दोघेजण गंभीर आहेत. पटनामधील बेऊर मोड भागात हा अपघात झाला.

प्रांजल त्रिपाठी यांनी सांगितलं की, वेगाने जाणाऱ्या ट्रकवरचे चालकाचे नियंत्रण सुटले. यानंतर ट्रक पोलिसांच्या गाडीला धडकला. या अपघातात जखमी असलेल्या पोलिसांवर रुग्णालयात उपचार सुरु आहेत. तिघेजण जागीच ठार झाले तर दोघे गंभीर आहेत.

हेही वाचा: मुख्यमंत्र्यांसमोरच भाजप मंत्री-कॉंग्रेस खासदारात जोरदार राडा

याबाबत आता अशीही माहिती समोर येत आहे की अपघात इतका भीषण होता की अपघातानंतर गाडीला आग लागली. या आगीत होरपळून तीन पोलिसांचा दुर्दैवी मृत्यू झाला. गर्दनीबाग पोलिस ठाण्याची गाडी होती, या गाडीचा अपघातात चुराडा झाला आहे. अपघातानंतर घटनास्थळी अधिकारी पोहोचले असून मृतदेह शवविच्छेदनासाठी पाठवण्यात आले आहेत.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :BiharIndia
loading image
go to top