चीनच्या कुरापती सुरुच! भारताच्या सीमेवर चिनी सैन्यांचे ड्रील ऑपरेशन 

नवी दिल्ली - भारत आणि चीन या देशांमध्ये गेल्या काही दिवसांपासून तनावाचे वातावरण आहे. अशातच चीनच्या पीपल्स लिबरेशन आर्मीने(PLA) भारत-चीन सीमाभागात हजारो पॅराट्रुपर्सच्या मदतीने ड्रील ऑपरेशन पार पाडल्याचे वृत्त आहे. युद्धाची सज्जता तपासण्यासाठी चीनने हे ऑपरेशन केल्याची माहिती आहे. यावेळी चीनच्या मुख्य भूमीतून हजारो सैनिक आणि शस्त्र उपकरणे सीमा भागात आणण्यात आले होते. 

ताज्या बातम्यांसाठी डाऊनलोड करा ई-सकाळचे ऍप 

पूर्व लडाखमध्ये भारत आणि चीनचे सैन्य समोरासमोर आलं आहे. त्यामुळे या दोन्ही देशांमधील वातावरण स्फोटक बनलं आहे. या पार्श्वभूमीवर चीनने केलेल्या या ड्रील ऑपरेशनला महत्व प्राप्त झालं आहे. चिनी राष्ट्रवादी वृत्तपत्र ग्लोबल टाईम्स आणि राष्ट्रीय प्रसारक सीसीटीव्हीने याबाबतचे वृत्त दिले आहे.

पुण्याच्या बातम्या वाचण्यासाठी येथे  क्लिक करा

6 मे रोजी चिनी सैन्याने लडाखच्या पूर्व भागात प्रत्यक्ष ताबा रेषा ओलांडली होती. त्यावेळी भारत आणि चिनी सैन्यामध्ये झटापटी झाल्या होत्या. त्यानंतर भारताने कठोर भूमिका घेतली होती. तसेच मुत्सद्दी बोलणीही सुरुच ठेवली होते. शनिवारी दोन्ही देशांच्या मेजर जनरल रँकच्या अधिकाऱ्यांनी चर्चा केली होती. मात्र, ही बोलणी अपयशी ठरल्याचं दिसत आहे. कारण चीनने कुरापती काढणे सुरुच ठेवले आहे. भारतावर दबाव आणण्यासाठी चीनने सीमा भागात युद्ध सराव केला आहे.

कोणत्या राज्याचा मुख्यमंत्री 83 दिवस घरात? लालूंचा भोजपुरी भाषेत टोला

हा युद्ध सराव कोठे झाला याबाबत माहिती मिळालेली नाही. मात्र, सैन्यांची जमवाजमव, रणगाडे आणि शस्त्र उपकरणे सीमाभागात आणून चीनने भारताला दिलेला थेट इशारा असल्याचं सांगितलं जात आहे. नागरी हवाईसेवा, लॉजिस्टिकल वाहतूक वाहिन्या आणि रेल्वे यांच्या माध्यमातून हजारो पॅराट्रुपर्स चीनच्या मुख्य भूमीपासून हजारो किलोमीटर दूरवर सीमाभागात आणण्यात आले होते, असे वृत्त चायनाच्या सीसीटीव्ही या वाहिनेने दिले आहे.

सोनिया गांधींच्या आग्रहाला माजी पंतप्रधानांनी दिला मान; लढणार राज्यसभा निवडणूक

भारतासोबत युद्धाची परिस्थिती निर्माण झाली तर सज्जता म्हणून चीन हे ड्रील पार पाडत असल्याचं बोललं जात आहे. कमीतकमी वेळात देशाच्या मुख्य भूमीतून सैन्य सीमाभागावर आणण्याचं प्रशिक्षण दिलं जात आहे. या युद्ध सरावामध्ये आम्ही आमच्या सैन्याची क्षमता तपासली. आम्ही अत्यंत कमी वेळात आमच्या सैन्याला सीमाभागावर घेऊन येऊ शकतो, असं मेजर जनरल माओ लेई सीसीटीव्हीला बोलताना म्हणाले आहेत. काही दिवसांपूर्वी केलेल्या सरावामध्ये आमच्या सैन्याने 4,700 मीटर उंच उंचीच्या प्रदेशात लढाऊ क्षमतेची चाचणी घेतली होती, असंही ते म्हणाले आहेत.