अभिनेत्री कंगना रणौत ही नेहमीच वेगवेगळ्या गोष्टींमुळे चर्चेत असते. आपल्या वादग्रस्त वक्तव्यांमुळे ती नेहमीच चर्चेच्या केंद्रस्थानी असते. आता पुन्हा एकदा कंगना रणौत (Kangana Ranaut) चर्चेत आली आहे. मात्र आता कारण तिचं वादग्रस्त वक्तव्य नाही, तर एक काँग्रेस (Congress) आमदार आहे. काँग्रेस आमदाराने केलेल्या एका वादग्रस्त वक्तव्यामुळे कंगना चर्चेत आली आहे. मतदारांना आश्वासन देताना झारखंडच्या काँग्रेस आमदाराने वादग्रस्त वक्तव्य केलं आहे.
झारखंडचे काँग्रेस आमदार डॉक्टर इरफान अन्सारी (Congress MLA irfan ansari) यांची मतदारांशी संवाद साधताना जीभ घसरली आहे. ते म्हणाले, मी तुम्हाला वचन देतो की, जामताऱ्याचे रस्ते 'अभिनेत्री कंगना रणौतच्या गालापेक्षाही गुळगुळीत होतील.' 14 जागतिक दर्जाच्या रस्त्यांची बांधकामं लवकरच सुरू होतील. त्यांच्या या वक्तव्यामुळे त्यांच्यावर टीका होत असून, यामुळे मोठा वाद उभा राहण्याची शक्यता आहे.
यापूर्वी शिवसेनेा नेते गुलाबराव पाटील यांनीही असंच वक्तव्य केलं होतं. एकनाथ खडसेंवर टीका करताना शिवसेनेचे मंत्री गुलाबराव पाटील (Shivsena Minister Gulabrao Patil) यांनी रस्त्यांची तुलना अभिनेत्री हेमा मालिनीच्या (Actor Hema Malini) गालांसोबत केली. रस्ते हेमा मालिनीच्या गालासारखे नसले तर राजीनामा देईन, असं वक्तव्य गुलाबराव पाटलांनी केलं होतं. त्यानंतर त्यांना माफीही मागावी लागली होती.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.