Corona Update : गेल्या 24 तासांत 412 रुग्णांचा मृत्यू; रिकव्हरी रेट वधारला

नवी दिल्ली : कोरोना विषाणूमुळे संक्रमित होणाऱ्या रुग्णांची संख्या कमी होताना दिसत नाहीय. दररोज नवे कोरोनाबाधित रुग्ण देशात सापडतच आहे. कोरोनाची परिस्थिती ही आधीपेक्षा निश्चितच चांगली असली तरीही ती आवाक्यात नाहीये. त्यामुळे नागरिकांनी कोरोनाच्या नियमांचे पालन करणे अनिवार्य असणार आहे. 

गेल्या 24 तासांत भारतात 31,522 रुग्ण सापडले आहेत. सध्या देशातील एकूण ऍक्टीव्ह कोरोना रुग्णांची संख्या 3,72,293 इतकी आहे. याबाबतची माहिती भारताच्या आरोग्या मंत्रालयाने दिली आहे. गेल्या 24 तासांत 37,725 रुग्ण बरे झाले आहेत. देशातील एकूण बरे झालेल्या रुग्णांची संख्या सध्या 92,53,306 झाली आहे. सध्या देशातील रिकव्हरी रेट 94.66 टक्के आहे. देशात आजवरच्या एकूण कोरोनाबाधितांची संख्या 97,67,372 झाली आहे. गेल्या 24 तासांत 412 रुग्ण कोरोनाने दगावले आहेत. या नव्या मृत्यूंसह देशातील एकूण कोरोना मृतांची संख्या 1,41,772 वर गेली आहे. 

हेही वाचा - ब्रिटननंतर कॅनडामध्ये 'Pfizer लशी'ला मान्यता
कोरोना प्रादुर्भावाला रोखण्यासाठी जगभरात लसनिर्मितीसाठी प्रयत्न सुरु आहेत. अलिकडेच ब्रिटनने फायझर या लशीला आपत्कालीन परिस्थितीतील वापरासाठी मान्यता दिली आहे. ब्रिटननंतर आता कॅनडा या देशाने सुद्धा या लशीला 16 वर्षे वयावरील लोकांसाठी मान्यता द्यायचा निर्णय घेतला आहे. भारतात सुरु असलेल्या लसनिर्मितीच्या प्रक्रियेलाही गती आहे. लवकरच काही आठवड्यांतच लस येईल, असं सरकारकडून जाहिर करण्यात आलं आहे.