नवी दिल्ली- देशात कोरोनाबाधित रुग्णांची संख्या कमी होताना दिसत आहे. तसेच या आजारातून बरे होणाऱ्या रुग्णांची संख्याही वाढत आहे. दररोज सापडणाऱ्या कोरोनाबाधितांपेक्षा यातून बरे होणाऱ्यांची संख्या जास्त आहे. देशातील एकूण कोरोनाबाधितांची संख्या 78.64 लाख झाली आहे. आरोग्य मंत्रालयाने रविवारी जारी केलेल्या आकडेवारीनुसार, गेल्या 24 तासात भारतात 50,129 कोरोनाबाधित रुग्ण सापडले आहेत, तर शनिवारी विषाणूमुळे 578 लोकांचा मृत्यू झाला आहे. आतापर्यंत देशात 1,18,534 रुग्णांचा मृत्यू झाला आहे.
'माझा विवाहसंस्थेवर नाही विश्वास, व्हिसा मिळवण्यासाठी केले लग्न'
गेल्या 24 तासात 62,077 लोकांनी विषाणूवर यशस्वीपणे मात केली आहे. कोरोना आजारातून बरे झालेल्यांची एकूण संख्या 70,78,123 इतकी झाली आहे, समाधानाची बाब म्हणजे दररोज कोरोनाग्रस्तांपेक्षा कोरोनामुक्त जास्त होत आहेत. त्यामुळे सक्रिय रुग्णांची संख्या 6,68,154 आहे.
देशातील कोरोना रिकव्हरी रेट 89.99 टक्के झाला आहे, तर सक्रिय रुग्ण 8.49 टक्के आहेत. मृत्यू दर 1.05 टक्के झाला आहे. पॉझिटिव्हिटी रेट म्हणजे दररोज होणाऱ्या चाचण्यांपैकी सापडणारे कोरोनाबाधित रुग्ण 4.39 टक्के आहेत. भारताचा रिकव्हरी रेट इतर अनेक देशांच्या तुलनेत खूप जास्त आहे. गेल्या 24 तासाच देशात 11,40,905 कोरोना चाचण्या घेण्यात आल्या आहेत. आतापर्यंत करण्यात आलेल्या कोविड-19 चाचण्यांची संख्या 10 कोटींच्या पुढे गेली आहे. देशात 10,25,23,469 चाचण्या घेण्यात आल्या आहेत.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.