Corona: WHO प्रमुखांनी हिंदीमध्ये ट्विट करत भारताचे मानले आभार; वाचा कारण

tedros adhanom ghebreyesus esaka
tedros adhanom ghebreyesus esaka

नवी दिल्ली- जगभरात कोरोनाबाधित रुग्णांची संख्या वाढत आहे. आतापर्यंत एकूण कोरोनाबाधितांची संख्या 4 कोटींच्या पुढे गेली आहे. अशा परिस्थितीत जगभरात कोरोना विषाणूवरील औषध आणि लस तयार करण्यासाठी युद्ध पातळीवर काम सुरु आहे. यात जागतिक आरोग्य संघटना (WHO) महत्वाची भूमिका बजावताना दिसत आहे. डब्ल्यूएचओचे प्रमुख टेड्रोस एडनम यांनी हिंदीमध्ये ट्विट करत भारत आणि साऊथ आफ्रीकेचे आभार मानले आहेत. कोरोना लशीची उपलब्धतता आणि वितरण प्रकरणी त्यांनी या देशांना धन्यवाद केले आहे.

बौद्धिक संपदेच्या (इंटेलेक्चुअल प्रॉपर्टी) मुद्द्यावर कोविड- 19 च्या संदर्भात पुनर्विचाराच्या सूचनेबद्दल भारत आणि दक्षिण आफ्रिकेचे धन्यवाद. यामुळे लस, औषध कमी किंमतीमध्ये उपलब्ध करुन देण्यास चालना मिळेल. त्यांचे पाऊल प्रशंसनीय आहे, असं डब्ल्यूएचओचे प्रमुख टेड्रोस म्हणालेत. 

'असल्या भाषेचं आजिबात समर्थन करू नका'; राहुल गांधी कमलनाथांवर गरजले

ऑक्टोंबरच्या सुरुवातीला भारताने जागतिक आरोग्य संघटनेला विनंती केली होती की, विकसनशिल देशांसाठी कोरोना लशीचे उत्पादन आणि आयात सोपी बनवण्यासाठी इंटेलेक्चुअल प्रॉपर्टीचे नियम थोडे शिथिल बनवले जावेत. दक्षिण आफ्रिकेनेही यासंबंधी जागतिक आरोग्य संघटनेला पत्र लिहिले होते. 

कोरोना महामारी थैमान घालत असताना इंटेलेक्‍चुअल प्रॉपर्टीचे नियम शिथिल करण्याचे आवाहन पत्रामध्ये करण्यात आले होती. यामुळे विकसनशील देशांना लस निर्मितीत आणि लस मिळण्यामध्ये मदत मिळणार आहे. काही काळासाठी लशीच्या निर्मितीवर पेटेंट, ट्रेडमार्क आणि कॉपीराईटचे बंधने नसल्याचा फायदा गरीब देशांना होणार आहे. इंटेलेक्‍चुअल प्रॉपर्टीचे नियम शिथिल करण्यात आल्यास कोरोना लस स्वस्तात मिळणेही शक्य होईल. 
 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com