coronavirus in india, covid-19, latest updates: देशातील कोरोना रुग्णांची संख्या अद्यापही स्थिर झालेली दिसत नाही. मागील काही दिवसांत कोरोना रुग्णांची संख्या कमी जास्त होत आहे. शनिवार-रविवारी कोरोना रुग्णांची संख्या 35 हजारांपेक्षा जास्त होती. सोमवारी यामध्ये मोठी घट पाहायला मिळाली आहे. आरोग्य मंत्रालयाने दिलेल्या माहितीनुसार, सोमवारी देशात 29 हजार 689 नवीन कोरोना रुग्ण आढळले आहेत. तब्बल 132 दिवसानंतर कोरोना रुग्णांची संख्या तीस हजारांच्या खाली आली आहे. मागील 24 तासांत तब्बल 42 हजार रुग्णांनी कोरोनावर मात केली आहे. तर 415 जणांचा मृत्यू झाला आहे. सध्या देशातील 8 राज्यात कडक निर्बंध आहेत. यात पश्चिम बंगाल, हिमाचल प्रदेश, झारखंड, ओडिशा, तामिळनाडु, मिझोराम, गोवा, पुद्दुचेरी यांचा समावेश आहे. याठिकाणी आधीच्या लॉकडाऊनप्रमाणे निर्बंध आहेत.
देशातील कोरोना स्थिती -
गेल्या 24 तासातील नवीन रुग्ण - 29,689
दिवसभरात कोरोनामुक्त झालेले - 42,363
मागील 24 तासांतील मृताची संख्या - 415
आतापर्यंत कोरोनामुक्त झालेले - 3,06,21,469
सध्या उपचाराधीन असलेल्यांची संख्या - 3,98,100
कोरोनामुळे मृत्यू पावलेले - 4,21,382
आतापर्यंत लसीकरण पूर्ण झालेले - 44,19,12,395
तब्बल 124 दिवसानंतर देशालील उपचाराधीन रुग्णांची संख्या चार लाखांच्या खाली आली आहे. देशात सध्या तीन लाख 98 हजार रुग्णांवर उपचार सुरु आहे. देशाचा रिकव्हरी रेट 97.39 टक्के इतका झाला आहे. सध्या देशातील 11 राज्यांमध्ये प्रत्येक दिवशी 500 हून जास्त रुग्ण सापडत आहेत. यामध्ये महाराष्ट्र, केरळ, कर्नाटक, तामिळनाडु, आंध्र प्रदेश, पश्चिम बंगाल, ओडिशा, आसाम, मणिपूर, मेघालय आणि मिझोरामचा समावेश आहे.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.