D.K. Shivakumar: कोट्यवधींची मालमत्ता, भ्रष्टाचाराचे आरोप, काँग्रेसचे 'संकटमोचक' डीके शिवकुमार कोण?

D. K. Shivakumar
D. K. Shivakumaresakal

D. K. Shivakumar: कर्नाटक विधानसभा निवडणुकीत असे अनेक नेते चर्चेत होते, पण सर्वात जास्त चर्चेत असलेले एक नाव म्हणजे डीके शिवकुमार. डी.के शिवकुमार सध्या कर्नाटक काँग्रेसचे अध्यक्ष आहेत. ते गांधी घराण्याच्या अत्यंत जवळचे मानले जाणारे नेते आहेत. यावेळी कर्नाटक निवडणुकीत काँग्रेसचा मुख्यमंत्रीपदाचा उमेदवार म्हणून त्यांच्याकडे पाहिलं जातं.

मुख्यमंत्रीपदासाठी त्यांची थेट सिद्धरामय्या यांच्याशी लढत आहे. डीके शिवकुमार हे राजकारणी असण्यासोबतच एक शिक्षणतज्ज्ञ आणि सामाजिक कार्यकर्ते देखील आहेत. 2006 मध्ये कर्नाटक स्टेट ओपन युनिव्हर्सिटी म्हैसूर येथून त्यांनी राज्यशास्त्रातील मास्टर ऑफ आर्ट्समध्ये पदव्युत्तर शिक्षण घेतले आहे.

D. K. Shivakumar
Karnataka Election Result : काँग्रेसच्या दमदार कमबॅकनंतर शरद पवारांसह देशातल्या या ५ चेहऱ्यांची धाकधूक वाढली!

शिवकुमार कनकपुरा मतदारसंघातून नऊ आमदार

यावेळीही ते त्यांच्या पारंपरिक मतदारसंघ कनकपुरा येथून निवडणूक लढवत होते. पारंपारिक जागा कारण ते येथून आठ वेळा आमदार झाले आहेत. कनकपुरा येथे ते भाजप सरकारमध्ये महसूल मंत्री असलेले आर अशोक यांच्या विरोधात होते. ज्यांचा त्यांनी पराभव केला आहे. सर्वांच्या नजरा या आसनावर खिळल्या होत्या. कर्नाटकात काँग्रेसने सरकार स्थापनेची तयारी सुरू केली आहे.

काँग्रेससाठी संकटमोचक

डी.के शिवकुमार हे कर्नाटक काँग्रेसमधील सर्वात श्रीमंत नेते आहेत. त्यांचे समर्थक मोठ्या संख्येने आहेत. त्यांच्याकडे 840 कोटींहून अधिक संपत्ती आहे. जेव्हा-जेव्हा काँग्रेस पक्षाला निधीची गरज भासते, तेव्हा शिवकुमार तिथे उभे राहतात, म्हणजेच ते पक्षासाठी एकप्रकारे संकटमोचकाची भूमिका बजावत असतात. डी.के शिवकुमार सीबीआय, ईडी आणि प्राप्तिकर विभागाच्या चौकशीच्या फेऱ्यात आहेत. निवडणुकीपूर्वी 104 दिवस ते तुरुंगात होते. मात्र ते जामिनावर बाहेर आहेत.

D. K. Shivakumar
D. K. Shivakumar: संकटमोचक' डी.के शिवकुमारांनी महाराष्ट्रात विलासरावांचे देखील वाचवलेलं सरकार

काँग्रेसने आघाडी घेतली

मतमोजणीत 224 जागांवर ट्रेंड आला आहे. यामध्ये भाजप आणि काँग्रेसमध्ये लढत आहे. काँग्रेसने स्पष्ट बहुमताचा आकडा पार केला आहे. काँग्रेस सध्या १३५ जागांवर आघाडीवर आहे. भाजप ६५ जागांवर आघाडीवर असून दुसऱ्या क्रमांकावर आहे. त्याचबरोबर जेडीएस 22 जागांवर पुढे आहे. आतापर्यंतच्या ट्रेंडमध्ये काँग्रेसचे सरकार स्थापन होत आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com