हवेत घडला थरार! प्रवाशाकडून विमानाचा इमर्जन्सी डोअर उघडण्याचा प्रयत्न

हवेत झेपावलेल्या विमानातील एका प्रवाशाने इमर्जन्सी डोअर उघडण्याचा प्रयत्न केल्याने मोठी दुर्घटना होता होता टळली. नवी दिल्लीहून वाराणसीला निघालेल्या स्पाईसजेटच्या विमानात हा थरारक प्रकार घडला. हे धोकादायक कृत्य करणाऱ्या प्रवाशाला केबिन क्रूने तात्काळ पकडले आणि विमान सुरक्षितरित्या लँड झाल्यानंतर त्याला वाराणसी पोलिसांच्या ताब्यात दिले. 

पंतप्रधान मोदींच्या हस्ताक्षराची चर्चा; सोशल मीडियावर धुमाकूळ

या घटेनेबाबत सविस्तर माहिती देताना स्पाईसजेटच्या प्रवक्त्याने सांगितलं, "वाराणसीकडे जाणाऱ्या आमच्या विमानात शनिवारी एक धक्कादायक घटना घडली. गौरव नावाचा एक प्रवासी अचानक आपल्या जागेवरुन उठून उभा राहिला तसेच तडक विमानाच्या इमर्जन्सी डोअरकडे जात त्यानं हा दरवाजा उघडण्याचा प्रयत्न केला, जेव्हा विमान आधीच हवेत झेपावलं होतं. हे पाहताच एका महिला क्रूने तात्काळ त्या प्रवाशाला इतर प्रवाशांच्या मदतीनं रोखलं आणि विमान वाराणसी विमानतळावर लँड होईपर्यंत पकडून ठेवलं. या घटनेची माहिती विमानातील क्रू मेंबर्सनी कॅप्टनला दिली. त्यानंतर कॅप्टनने एअर ट्रॅफिक कन्ट्रोलशी संपर्क साधला आणि विमानाच्या प्रायोरिटी लँडिंगसाठी विनंती केली. त्यानंतर जेव्हा विमान वाराणसी विमानतळावर सुरक्षितरित्या लँड झालं तेव्हा संबंधित प्रवाशाला CISFचे जवान आणि स्पाईसजेटच्या सुरक्षा रक्षकांच्या मदतीने स्थानिक पोलिसांच्या हवाली करण्यात आलं."

हवाई दलाची वाढणार ताकद; महिन्याभरात १० राफेल विमानांचं होणार आगमन

सुत्रांच्या माहितीनुसार, विमानाचं इमर्जन्सी डोअर उघडण्याचा प्रयत्न करणारा प्रवासी 1C या जागी बसला होता. तसेच विमानाने उड्डाण केल्यानंतर तो विमानात इकडे तिकडे फिरतही होता दरम्यान त्यानं अचानक एक्झिट डोअर उघडण्याचा प्रयत्न केला. 

'नो फ्लाय लिस्ट'मध्ये समावेश

या संपूर्ण घटनाक्रमाची माहिती स्पाईसजेटने डीजीसीएला कळवली आहे. तसेच या गंभीर घटनेनंतर संबंधीत प्रवाशाचा समावेश स्पाईसजेटने 'नो फ्लाय लिस्ट'मध्ये केला आहे.