नवऱ्याने स्वतःला झाडून घेतलेली गोळी डोक्यातून आरपार निघून पत्नीला लागली; अन्

गुरुग्राम : पती आणि पत्नीत परस्परात झालेल्या भांडणानंतर एका व्यक्तीने स्वत:च्या कानशीलावर बंदूक ठेवून गोळी झाडली. पण यात गर्भवती पत्नीदेखील तिच गोळी लागून गंभीर जखमी झाली आहे. बंदूकीच्या एकाच गोळीने दोन जणांचा जीव जाता-जाता वाचला आहे.

ताज्या बातम्यांसाठी डाऊनलोड करा ई-सकाळचे ऍप 

पुण्याच्या बातम्या वाचण्यासाठी येथे  क्लिक करा

पोलिसांनी दिलेल्या माहितीनुसार, पतीने कानशीलावर गोळी चालवली आणि ती गोळी कवटीतून बाहेर पडली ती थेट पत्नीच्या मानेत शिरली. त्यामुळे तिला जोरदार दुखापत झाली. जेव्हा हा अपघात झाला तेव्हा या व्यक्तीची पत्नी पलीकडे त्याच्याबरोबर कारमध्ये बसली होती. गोळी महिलेच्या मानेला लागली. सध्या या या व्यक्तीवर दिल्लीतील सफदरजंग रुग्णालयाच्या अतिदक्षता विभागात उपचार सुरू आहेत, तर गर्भवती पत्नीची प्रकृती स्थिर असल्याचं सांगितलं जात आहे. पोलीस या प्रकरणाचा तपास करत आहेत.
----------
हायड्रॉक्सिक्लोरोक्वीन औषधाचा वापर कोणासाठी?
---------
हिंमतवान ज्योतीला ट्रम्प कन्येचा सलाम
---------
पती बेरोजगार असल्यामुळे दोघांमध्ये वाद झाला आणि त्यातून ही घटना घडल्याचा प्राथमिक अंदाज पोलिसांकडून वर्तवण्यात आला आहे. पोलिसांनी दिलेल्या माहितीनुसार, ही व्यक्ती बेरोजगार असल्याने पत्नीशी वाद झाला होता. पोलिसांना दिलेल्या निवेदनात महिलेनं हे सांगितलं आहे. या प्रकरणाची माहिती असलेल्या एका पोलिस अधिकाऱ्याने सांगितलं की, गोळी शरीरातून बाहेर पडून दुसऱ्या बाजूला असलेल्या व्यक्तीला लागावी ही एक दुर्मिळ घटना आहे, परंतु हे असामान्य नाही. पोलिस अधिकाऱ्यांच्या म्हणण्यानुसार, जेव्हा पीडित व्यक्ती एकमेकांच्या अगदी जवळ असतील तेव्हाच हे घडू शकतं, असे सांगितले जात आहे.