प्रेम, लैंगिक संबंध अन् खून; पोलिसांनी केली विक्षिप्त किलरला अटक

मुलींना प्रेमसंबंधात अडकवून लैंगिक संबंध प्रस्थापित करायचा. नंतर मुलींची हत्या करायचा. विक्षिप्त सिरीयल किलरला राजस्थान पोलिसांनी अटक केली आहे. आरोपी हा मुलींना प्रेमात अडकवल्यानंतर शारीरिक संबंध प्रस्थापित करीत होता. मन भरल्यानंतर हत्या (Murder) करून मृतदेहाची विल्हेवाट लावायचा. या किलरने तीन मुलींची हत्या केल्याची कबुली दिल्याची माहिती राजस्थान पोलिसांनी दिली. यापैकी एक मुलगी ग्वाल्हेरची आहे.

पोलिसांनी दिलेल्या माहितीनुसार, २४ वर्षीय युवती ग्वाल्हेरच्या गोल का मंदिर परिसरातून बेपत्ता झाली होती. ती भावासोबत मेव्हण्याकडे राहायला आली होती. ४ एप्रिलला कुटुंबीयांनी शोध घेतल्यानंतर गोला का मंदिर पोलिस ठाण्यात मुलगी बेपत्ता असल्याची तक्रार दाखल केली. तेव्हापासून पोलिस मुलीचा शोध घेत होते. मात्र, पोलिसांना कोणताही सुगावा लागत नव्हता.

दरम्यान, राजस्थान पोलिसांनी सायको किलर मिंटू ऊर्फ ​​विक्रांतला पकडले. त्याने तीन मुलींना प्रेमाच्या जाळ्यात अडकवून शारीरिक संबंध ठेवल्यानंतर हत्या (Murder) केल्याची कबुली दिली. तीन मुलींपैकी एक युवती ग्वाल्हेरची होती. जयपूर पोलिसांकडून माहिती मिळाल्यानंतर ग्वाल्हेर पोलिस किलरची चौकशी करण्यासाठी राजस्थानला रवाना झाले आहेत.

मृतदेह रेल्वे रुळावर फेकायचा

आरोपी हा मुलीला कधी डॉक्टर, कधी डीएसपी, तर कधी गुन्हे शाखेचा अधिकारी सांगून अडकवायचा. मुलीला प्रेमात (love) फसवल्यानंतर शारीरिक संबंध ठेवायचा. मुलीने विरोध केला तर मारून (Murder) टाकायचा. हत्येनंतर ही घटना अपघात म्हणून भासावी म्हणून तो मृतदेह रेल्वे रुळावर फेकून देत असे, असे ग्वाल्हेरचे पोलिस अधीक्षक अमित सांघी यांनी सांगितले.