Rahul Gandhi: मोदींवर टीका केली तर...; राहुल गांधींना निवडणूक आयोगाचे इशारावजा दिशानिर्देश?

नवी दिल्ली : येत्या काही दिवसांत लोकसभा निवडणुका जाहीर होण्याची शक्यता असून लगेचच प्रचारालाही सुरुवात होईल. या पार्श्वभूमीवर केंद्रीय निवडणूक आयोगानं काँग्रेसचे खासदार राहुल गांधी यांना इशारावजा दिशानिर्देश जाहीर केले आहेत. (Election Commission of India issues an advisory to Congress MP Rahul Gandhi)

केंद्रीय निवडणूक आयोगानं खास राहुल गांधी यांच्यासाठी दिशानिर्देश जाहीर केले आहेत. यापूर्वी प्रचारादरम्यान राहुल गांधी यांनी पंतप्रधान नरेंद्र मोदी यांच्यावर वादग्रस्त टिप्पण्या केल्या होत्या. तसेच दिल्ली हायकोर्टाचा आदेश आणि त्यावर राहुल गांधींनी दिलेलं उत्तर या सर्व घडामोडींच्या पार्श्वभूमीवर केंद्रीय निवडणूक आयोगानं राहुल गांधींना शब्द काळजीपूर्वक वापरण्याचे आणि टिका-टिप्पणीबाबत सतर्क राहण्याचा सल्ला या दिशानिर्देशांतून दिला आहे. (Marathi Tajya Batmya)

दरम्यान, निवडणूक आयोगानं राहुल गांधींना सल्ला दिलेला असला तरी याचा अर्थ असाही होतो की, जर राहुल गांधींनी निवडणूक आयोगाच्या या सल्ल्याचं पालन केलं नाही तर त्यांच्यावर आचारसंहिता भंग तसेच वैयक्तिक पातळीवरील तक्रारीनुसार, कारवाई होऊ शकते. (Latest Marathi News)

त्यामुळं आता राहुल गांधी निवडणूक आयोगाच्या या दिशानिर्देशांना काय उत्तर देतात हे पहावं लागेल. त्याचबरोबर निवडणूक आयोगानं अशा प्रकारे केवळ एकाच नेत्याला स्वतंत्ररित्या अशा प्रकारचा सल्ला देण्याबाबतही विविध प्रतिक्रिया येऊ शकतात.