काश्मीरी आज्जींची बातच न्यारी, इंग्रजीचे कौशल्य पाहून व्हाल थक्क

सोशल मीडियावर सध्या एका वृद्ध महिलेचा व्हिडिओ व्हायरल होत आहे. तिच्या ३० सेकंदाचा व्हिडिओ पाहून तुम्हाला ही तिचे कौतुक वाटेल. यात तिने चक्क तिचे इंग्रजी (English)कौशल्य दाखवले आहे. तुम्हाला आश्चर्य वाटेल की हि वृद्ध महिला परदेशातील नसून ती आपल्या भारतातील काश्मीर खोऱ्यातील (Kashmir)आहे. हा व्हिडिओ सय्यद एस शाह यांनी ट्विटरवर शेअर केला आहे. (English-Speaking Grandma From Kashmir)

यामध्ये तिच्या सोबत एक तरूण आहे. कदाचित तिचा नातू असावा. व्हिडिओ जेव्हा सुरु होतो तेव्हा तो तरूण काश्मीरी भाषेत बोलण्यास सुरुवात करतो. तेव्हा पारंपारिक पोशाखात असलेली इंग्रजी बोलणारी काश्मिरी दादी पटापट बोलायला सुरुवात करते. सुरुवातीला ती थोडे अडखळते पण नंतर ती काश्मीरी भाषेचे ट्रान्सलेशन इंग्रजी भाषेत करते.

अगदी सुरुवातीलाच ती 'मांजर' (Cat) ओळखताना अडखळते, पण नंतर ती त्याला 'क्यात' म्हणून ओळखते. कांदा, सफरचंद, लसूण आणि कुत्रा (Onion,Apple,Garlic,Dog) या शब्दाचा उच्चार ती सुरळीत करते. हा व्हिडिओ सोशल मीडियावर व्हायरल झाला आहे. महिलेचे ठिकाण माहित नसले तरी व्हिडिओ रेकॉर्ड करणाऱ्या व्यक्तीच्या आवाजावरून ती काश्मीरी खोऱ्यातील ग्रामीण जिल्ह्यातील असल्याचे लक्षात येते.