दोन दिवसांत कडाक्याच्या थंडीसह दाट धुके पडण्याची शक्यता

दिल्लीसह उत्तर भारतातील नागरिकांना थंडीपासून अद्याप दिलासा मिळालेला नाही. दोन दिवसांत कडाक्याच्या थंडीसह दाट धुके (Extreme cold) पडण्याची शक्यता हवामान खात्याने वर्तवली आहे. भारतीय हवामानशास्त्र विभागाने (IMD) रविवारी दिल्ली, हरियाणा, पंजाब, चंदीगड, पश्चिम उत्तर प्रदेश, मध्य प्रदेश आणि राजस्थानच्या वेगळ्या भागांमध्ये पुढील दोन दिवसांत कडाक्याची थंडी पडण्याची शक्यता वर्तवली आहे.

पुढील चोवीस तासांत राजधानी दिल्ली, मध्य प्रदेश आणि राजस्थानमध्ये रात्री आणि सकाळच्या वेळी दाट धुके (Extreme cold) पडतील. १८ जानेवारीपासून पश्चिम हिमालयीन प्रदेशावर ताज्या वेस्टर्न डिस्टर्बन्सचा परिणाम होण्याची शक्यता आहे. २१ जानेवारीपासून वायव्य भारतावर आणखी एक वेस्टर्न डिस्टर्बन्स होण्याची शक्यता आहे, असे भारतीय हवामानशास्त्र विभागाने (Indian Meteorological Department) जारी केलेल्या निवेदनात म्हटले आहे.

राजस्थान आणि पूर्व उत्तर प्रदेशात रात्री व सकाळी काही ठिकाणी दाट धुके आणि जम्मू विभाग आणि हिमाचल प्रदेशमध्ये रात्री व सकाळी दाट धुके राहील. पुढील दोन दिवसांत पश्चिम उत्तर प्रदेश आणि उत्तर मध्य प्रदेशात अशीच परिस्थिती राहण्याची शक्यता आहे, असे निवेदनात म्हटले आहे. पंजाब, हरियाणा, चंदीगड, दिल्ली, पश्चिम उत्तर प्रदेश, मध्य प्रदेश आणि राजस्थान येथे पुढील दोन दिवसांत थंड दिवस ते अतिशय थंड दिवस आणि पुढील तीन दिवसांत पूर्व उत्तर प्रदेश येथे थंड (Extreme cold) दिवस अशी परिस्थिती आहे.

हलका किंवा मध्यम पाऊस पडण्याची शक्यता

रविवारी उत्तर भारतातील विविध भागांमध्ये धुके दिसून आली. धुक्यामुळे लखनौमधील दृश्यमानतेवर परिणाम झाला, तर मध्य प्रदेशातील थंडीच्या (Chance of fog) लाटेने भोपाळला वेढले. १९ आणि २० जानेवारीला अरुणाचल प्रदेश, आसाम, मेघालय, नागालँड, मणिपूर, मिझोराम आणि आंध्र प्रदेशात विजांच्या कडकडाटासह वादळाचा अंदाज वर्तवला आहे. तसेच हलका किंवा मध्यम पाऊस पडण्याची शक्यता आहे.