मध्यरात्री घरात शिरलेल्या चोरट्यांनी महिलेच्या तोंडावर गोळ्या झाडल्या| firing | Sakal
sakal

बोलून बातमी शोधा

Firing

मध्यरात्री घरात शिरलेल्या चोरट्यांनी महिलेच्या तोंडावर गोळ्या झाडल्या

छत्तीसगड : कोरबा जिल्ह्यात नवीन वर्ष सुरू होण्यापूर्वी गुन्हेगारीची मोठी घटना घडली आहे. दिपका परिसरात महिलेच्या तोंडावर गोळ्या (firing) झाडून चोरट्यांनी पळ काढला. रक्ताच्या थारोळ्यात पडलेल्या महिलेला कोरबा येथील रुग्णालयात दाखल करण्यात आले. महिलेची प्रकृती चिंताजनक (Womans condition is critical) असल्याने पहाटे ४ वाजता रायपूर येथील रामकृष्ण केअर रुग्णालयात पाठवण्यात आले. सरोजिनीबाई (२५, रा. झाबर) असे जखमी महिलेचे नाव आहे.

पोलिसांनी दिलेल्या माहितीनुसार, शुक्रवारी रात्री साडेअकरा वाजताच्या सुमारास सरोजिनीबाई हिच्या घरात दोन चोरटे घुसले. महिलेचा पती काही कामानिमित्त घराबाहेर गेला होता. महिलेचे आई-वडील दुसऱ्या खोलीत होते. रात्री दोन तरुण घरात आले. एका तरुणाने गोळी झाडली, त्यानंतर दोघेही पळून (Accused absconded) गेले.

हेही वाचा: ‘भाजपचेच लोक नियम पाळत नाही, पंतप्रधानांचे ऐकत नाही’

गोळ्यांचा आवाज ऐकून घरातील पालक महिलेच्या दिशेने धावले. गोळी महिलेच्या डोळ्यात आणि कानाला लागली. आवाज ऐकून आजूबाजूचे नागरिकही घटनास्थळी पोहोचले. पोलिसांना माहिती दिल्यानंतर महिलेला कोसा बारी येथील रुग्णालयात दाखल करण्यात आले. घटनेची माहिती मिळताच पोलिसांनी हल्लेखोरांना वेठीस धरण्यासाठी शहरात नाकाबंदी केली. मात्र, अद्यापपर्यंत कोणतेही यश आलेले नाही.

गोळीबाराची माहिती मिळताच टीआय अविनाश सिंह पोलिस कर्मचाऱ्यांसह घटनास्थळी पोहोचले. पोलिसांनी तातडीने शहरात नाकाबंदी लागू केली. घटनेची माहिती मिळताच एएसपी अभिषेक वर्मा यांनीही रात्री रुग्णालयात पोहोचून परिस्थितीची माहिती घेतली. घटनेमागचे कारण अद्याप समोर आलेले नाही. पोलिसांनी महिलेच्या पतीकडे काही वैमनस्य आदींबाबत चौकशी केली आहे. पोलिसांनी गुन्हा दाखल करून तपास सुरू केला आहे.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :ChhattisgarhCrime News
loading image
go to top