लाटांवर तरंगता येणारा पूल पाहिलात का? Video Viral

केरळमधील कोझिकोड येथील बेपोर बीचवर तरंगता पूल उभारण्यात आला आहे. केरळ पर्यटन विभागाने हा समुद्रावर हा पूल जिल्हा पर्यटक प्रोत्साहन परिषद (डीटीपीसी) आणि बंदरे विभागाच्या मदतीने बांधला आहे.

मनोरामऑनलाइन डॉट कॉमने याबाबत दिलेल्या माहितीनुसार, हा पूल 100 मीटर लांब आणि 3 मीटर रुंदीचा आहे. हा फ्लोटिंग ब्रिज हाय-डेन्सिटी पॉलीथिलीन (HDPE) ब्लॉकचा बनलेला आहे. यामुळे समुद्राच्या मध्यभागी पूलवर उभ्या असलेल्या लोकांना तरंगायचा अनुभव घेता येतो. असा आनंद लोकांना घेता यावा यासाठी पुल करताना त्यावर 7 किलो वजनाचे 1300 एचडीपी ब्लॉक वापरले गेले. हे ब्लॉक आवश्यकतेनुसार हलवता येतात. तसेच ते पटकन जोडले जाऊ शकतात. सपोर्ट्स 2 मिनिटांच्या अंतराने कमी पडलेल्या ब्लॉक्समध्ये दिले गेले आहेत.

पूल मजबूत करण्यासाठी त्याला 100 किलो वजनाच्या 31 अँकरने मजबुती दिली आहे. लाट ज्याप्रमाणात येते त्याप्रमाणे पूल उभा राहतो आणि पडतोही. या पुलावरून एकावेळी 500 लोकांना जाता-येता येऊ शकेल. मात्र, सध्या या पुलावर लाईफ जॅकेट घातलेल्या ५० लोकांनाच परवानगी आहे. सकाळी 11 ते संध्याकाळी 6 दरम्यान हा पूल नागरिकांना पाहता येईल.