केंद्राने हायड्रोक्सीक्लोरोक्विनच्या निर्यातीवरील बंदी उठविली 

नवी दिल्ली - कोरोनावरील उपचारांसाठी प्रभावी समजल्या जाणाऱ्या हायड्रोक्सीक्लोरोक्विनच्या (एचसीक्यू) निर्यातीवरील बंदी उठवण्याचा निर्णय केंद्र सरकारने घेतला असल्याची माहिती केंद्रीय रसायन व खतेमंत्री सदानंद गौडा यांनी बुधवारी दिली. 

ताज्या बातम्यांसाठी डाऊनलोड करा ई-सकाळचे ऍप  

याविषयी माहिती देताना गौडा यांनी सांगितले, की औषधनिर्माण विभागाने एचसीक्यूच्या सूत्रीकरणासह निर्यातीवरील बंदी हटविण्यास मान्यता दिली आहे. याविषयी अधिसूचना काढण्याचे आदेश देण्यात आले असून, उत्पादकांना आपल्या एकूण उत्पादनाच्या २० टक्के उत्पादन पुरवठा देशांतर्गत बाजारात करावा लागेल, अशी अट यामध्ये ठेवण्यात आली आहे. गौडा यांच्या घोषणेनंतर लागलीच विदेश व्यापार महासंचालनालयाने निदानसूचक उपकरण, प्रयोगशाळेतील उपकरण आणि निदान यंत्रांच्या निर्यात धोरणाबाबत सुधारित अधिसूचना जारी केली आहे. 

अमिताभ बच्चनकडून कामगारांसाठी विशेष विमान सेवा

दरम्यान, काही अभ्यासांचा असा दावा आहे की, एचसीक्यू कोरोना विषाणूला प्रतिबंध करू शकत नाही, इतरांना असे आढळले आहे की, हे मलेरियाविरोधी औषध कोविड -१९ पासून संक्रमित रुग्णांच्या पुनर्प्राप्तीस मदत किंवा वेग देत नाही, तर काही आठवड्यांपूर्वी जागतिक आरोग्य संघटनेनेदेखील एचसीक्यूला त्या विषाणूजन्य आजाराच्या प्रयोगात्मक उपचारांमध्ये जागतिक स्तरावरील अभ्यासातून वगळले होते; परंतु काही दिवसांपूर्वीच त्यांनी एचसीक्यूची चाचणी पुन्हा सुरू केली होती, तर काही संशोधकांच्या मते एचसीक्यू हे औषध कोरोनावरिल उपचारांसाठी प्रभावी ठरू शकते. 

दिल्लीत लॉकडाउन अधिक कडक करा; उच्च न्यायालयात याचिका