तिहारमध्ये फाशीची रंगीत तालीम

पीटीआय
मंगळवार, 14 जानेवारी 2020

फाशीचे दोर सुरक्षित
चारही दोषींना फासावर लटकवण्यासाठी जे दोर तयार करण्यात आले आहेत, त्यांना लोणी लावून सुरक्षित ठेवले आहे. लोण्यामुळे दोर मऊ राहतो. या दोरांचे काही नुकसान होऊ नये आणि उंदरांपासून त्याचे संरक्षण व्हावे, यासाठी ते योग्य सुरक्षा यंत्रणेसह लॉकरमध्ये ठेवण्यात आले आहेत. 

उच्चस्तरीय सुरक्षा
दोषी भुयार खोदून पळून जाऊ नयेत, यासाठी तुरुंग क्र.३ मध्ये चार नव्या बराकी तयार केल्या जात आहेत. या बराकी फाशीच्या जागेजवळील उच्चस्तरीय सुरक्षा वॉर्डात आहेत. या वॉर्डात पूर्वी संसदेवरील हल्ल्यातील दहशतवादी दोषी अफजल गुरूला ठेवण्यात आले होते. ज्याला जेथे ठेवले होते, तेथे ‘निर्भया’च्या चारपैकी एका दोषीला ठेवण्याची शक्‍यता आहे. दोषींनी भुयार खोदू नये, फाशीच्या शिक्षेपूर्वीच आत्महत्या करू नये आणि तुरुंगातील अन्य कैदी किंवा कर्मचाऱ्यांपैकी कोणी त्यांच्यावर हल्ला करू नये, याची संपूर्ण खबरदारी घेण्यात येत आहे. फाशीच्या शिक्षेच्या तयारीचा आढावा अधिकाऱ्यांनी काल घेतला. तुरुंग क्र.३ मधील तुटलेल्या फरशांची दुरुस्ती करण्यात येत असून, सीसीटीव्ही कॅमेऱ्यांद्वारे लक्ष ठेवण्यात येत आहे.

नवी दिल्ली - निर्भया सामूहिक बलात्कार प्रकरणातील चार दोषींना २२ जानेवारीला सकाळी सात वाजता फाशी देण्यात येणार आहे. याची रंगीत तालीम तिहार कारागृहात रविवारी (ता. १२) घेण्यात आली, अशी माहिती कारागृहातील अधिकाऱ्यांनी दिली. ती यशस्वी ठरल्याचे त्यांनी सांगितले.

ताज्या बातम्यांसाठी डाऊनलोड करा ई-सकाळचे ऍप

रंगीत तालमीसाठी अधिकाऱ्यांनी दोषींचे वजन घेऊन त्यानुसार बनावट प्रतिकृती तयार केली. त्यासाठी दगड आणि अवशेषाने भरलेल्या पोत्यांचा वापर करण्यात आला. कारागृह क्र. ३ मध्ये फाशीची रंगीत तालीम अधिकाऱ्यांच्या पथकाने घेतली. फाशीसाठी वापरण्यात येणारे दोर एवढे वजन पेलवू शकतात का, चौघांना फाशी देण्यासाठी किती वेळ लागतो आणि फाशीच्या चारही ठिकाणी काही तांत्रिक त्रुटी राहिली नाही व याची खात्री करून घेण्यासाठी ही चाचणी घेण्यात आली. ती यशस्वी झाल्याचे समाधान तुरुंगाचे अधिकऱ्यांना वाटत आहे. वेळेचे नियोजन करण्याची गरज व्यक्त करण्यात आली. त्यासाठी फाशी देण्यासाठी लागणारा वेळ थोडा कमी करण्यात येण्याची शक्‍यता आहे.

काँग्रेसला झटका; माजी खासदाराच्या मुलाचा आपमध्ये प्रवेश

चारही दोषींना फाशी देण्यासाठी मेरठहून पवन जल्लादची रवानगी तिहारला करण्यात आले असल्याच्या वृत्ताला उत्तर प्रदेश कारागृह प्रशासनाने दुजोरा दिला आहे. ‘निर्भया’प्रकरणात मुकेश (वय ३२), पवन गुप्ता (वय २५), विनय शर्मा (वय २६) आणि अक्षय कुमारसिंह (वय ३१) यांना फासावर चढविण्यासाठी दोन जल्लादांची गरज असल्याचे तिहार प्रशासनाने उत्तर प्रदेश तुरुंग प्रशासनाला लेखी कळविले आहे. चारही आरोपींना एकाच वेळी फाशी देण्याची शक्‍यता आहे. त्यांची मानसिक स्थिती चांगली आहे का, हे पाहण्यासाठी तुरंग अधिकारी चौघांशी दररोज संवाद साधतात. 

महागाईचा देशात भडका

फाशीपासून संरक्षण मिळण्यासाठी सर्वोच्च न्यायालयात दुरुस्ती याचिका दाखल करणे, हा एकच कायदेशीर उपाय दोषींकडे उरला आहे. तसेच घटनात्मक उपायाचा वापर करीत राष्ट्रपतींकडे दया याचिकाही ते दाखल करू शकतात. सर्वोच्च न्यायालयात दुरुस्ती याचिका दाखल करणार असून, त्याचा निकाल लागेपर्यंत मृत्युदंडाच्या शिक्षेला स्थगिती मिळविण्याचा प्रयत्न करणार असल्याचे दोषींच्या वकिलांनी सांगितले.


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: Hanging practice in tihar jail