'धमक्यांना घाबरायला मी झायरा वसीम नाही'; बबिता फोगटचे जोरदार प्रत्युत्तर

सकाळ वृत्तसेवा
Friday, 17 April 2020

'कोरोना व्हायरस भारतातील दुसऱ्या क्रमांकाची सर्वात मोठी समस्या आहे. जहाल वृत्तीच्या जमाती अजूनही पहिल्या क्रमांकावर आहेत.' बबिताच्या या ट्विटवर अनेकांनी नाराजी व्यक्त केली होती.

नवी दिल्ली : कोरोना व्हायरसमुळे सध्या देशभरात अनेक वाद-विवाद सुरू आहेत. काही दिवसांपूर्वी दिल्लीत तबलिगी जमातच्या एका कार्यक्रमानंतर कोरोनाग्रस्तांच्या संख्येत झपाट्याने वाढ होऊ लागल्याचे बोलले जात होते. याच तबलिगी जमातला लक्ष्य बनवत भारतीय महिला कुस्तीपटू बबिता फोगटने एक ट्विट केले होते. त्यावरून बराच वाद निर्माण झाला आहे.

 - बातम्या ऐकण्यासाठी डाऊनलोड करा ई-सकाळचे ऍप

या ट्विटच्या बचावात बबिताने आणखी एक व्हिडिओ ट्विट केले असून त्यामध्ये तिने धमकी देणाऱ्यांना खडे बोल सुनावले आहेत. 'अशा धमक्यांना घाबरायला मी झायरा वसीम नाही. मी कोणत्याही धमक्यांना घाबरत नाही,' असे प्रत्त्युत्तर बबिताने दिले आहे. 

बबिताने गुरुवारी तबलिगी जमातबाबत एक ट्विट केले होते. त्यानंतर अनेक नेटकऱ्यांनी तिच्या त्या ट्विटबद्दल नाराजी व्यक्त केली. तर काहींनी तिला धमकीसुद्धा दिली आहे. 

- आरबीआयकडून ५०हजार कोटींचे पॅकेज जाहीर; लघु आणि मध्य उद्योगांना दिलासा

कुस्तीपटू बबिताने शुक्रवारी (ता.१७) एक व्हिडिओ ट्विट केला असून यामध्ये तिने म्हटले आहे की, 'गेल्या काही दिवसांपासून मी काही ट्विट केले आहेत. त्यामुळे मला वारंवार धमक्या येऊ लागल्या. सोशल मीडियातही अनेकजण मला शिव्या देत आहेत. तसेच धमक्यादेखील देत आहेत. धमक्यांना घाबरायला मी झायरा वसीम नाही. मी देशासाठी मैदानात लढली आहे. त्या ट्विटवर मी आजही कायम आहे. त्यात गैर काही लिहलं नाही.'

रतन टाटा यांना 'भारतरत्न' पुरस्कार द्या...

व्हिडिओला दिलेल्या कॅप्शनमध्ये बबिता म्हणते की,  'जर तुम्ही खरंच बबिता फोगटला पाठिंबा देत असाल. तर ही गोष्ट त्यांच्यापर्यंत नक्की पोहचवा.' कोरोना व्हायरसचा फैलाव होऊ लागल्यानंतर मी ट्विट केले होते. तबलिगी जमातच्या काही माणसांमुळेच कोरोनाचा फैलाव मोठ्या प्रमाणात झाला. जर तबलिगी समाजाचे लोक एकत्र जमा झाले नसते, तर देशावर असे संकटच आले नसते. मी कायम सत्य बोलत आली आहे. आणि यापुढेही सत्य बोलत राहीन.'

काय म्हणाली होती बबिता?

अर्जुन पुरस्कार विजेती ३० वर्षीय बबिता आपल्या ट्विटमध्ये म्हणाली होती की, 'कोरोना व्हायरस भारतातील दुसऱ्या क्रमांकाची सर्वात मोठी समस्या आहे. जहाल वृत्तीच्या जमाती अजूनही पहिल्या क्रमांकावर आहेत.' बबिताच्या या ट्विटवर अनेकांनी नाराजी व्यक्त केली होती. 

Lockdown2.0 : आता एक नाही तीन दिवसांचा जनता कर्फ्यू

अकाउंट झाले होते ब्लॉक
वादग्रस्त ट्विटप्रकरणी बबिताचे ट्विटर अकाऊंट गेल्या महिन्यात ब्लॉक करण्यात आले होते. मात्र, सदर ट्विट डॉक्टर, नर्स, वैद्यकीय कर्मचारी आणि पोलिस यांच्यावर हल्ले करणाऱ्यांविरोधात लिहले होते, असे स्पष्टीकरण बबिताने दिले होते. त्यानंतर तिचे अकाउंट सुरू करण्यात आले होते.


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: i am no zaira wasim will not get threatened says Indian wrestler babita phogat over tablighi jamaat comment