समुद्रात भारताची ताकद वाढणार, नौदल 38 ब्राह्मोस क्षेपणास्त्र खरेदी करण्याच्या तयारीत

Brahmos.jpg
Brahmos.jpg

नवी दिल्ली- युद्धनौकांची मारक क्षमता वाढवण्यासाठी भारतीय नौदलाने 38 विस्तारित पल्ल्याचे ब्राह्मोस सुपरसॉनिक क्रूझ क्षेपणास्त्र खरेदी करण्याचा प्रस्ताव ठेवला आहे. या क्षेपणास्त्राची सुमारे 450 किमी अंतरावरचे लक्ष्य भेदण्याची क्षमता आहे. हे क्षेपणास्त्र नौदलाच्या नव्याने तयार करण्यात येत असलेल्या युद्धनौकांवर तैनात केले जाणार आहे. या युद्धनौका लवकरच नौदलाच्या सेवेत रुजू होणार आहेत. 

'एएनआय'ने दिलेल्या वृत्तानुसार, सरकारी सूत्रांनी सांगितले की 38 मारक क्षमता वाढलेल्या ब्राह्मोस सुपरसॉनिक क्षेपणास्त्र खरेदी करण्यासाठी 1800 कोटी रुपयांचा प्रस्ताव संरक्षण मंत्रालयाकडे पाठवण्यात आला असून लवकरच त्याला मंजुरी मिळण्याची अपेक्षा आहे. 

ब्राह्मोस युद्धनौकांचे प्रमुख शस्त्र असेल, जे नौदलासाठी अनेक युद्धनौकांवर पूर्वीपासून तैनात आहेत. भारतीय नौदलाने खोल समुद्रात 400 किमीपेक्षा अधिक अंतरावरील लक्ष्य भेदण्याची क्षमता दाखवण्यासाठी आयएनएस चेन्नई येथून ब्राह्मोस क्षेपणास्त्राची चाचणीही केली होती. 

भारत सुपरसॉनिक क्रूझ क्षेपणास्त्राच्या निर्यातीसाठी खरेदीदार देश शोधत आहे. हे क्षेपणास्त्र डीआरडीओने आपल्या पीजे 10 योजनेअंतर्गत मोठ्याप्रमाणापर्यंत स्वदेशी बनावटीचे बनवले आहे. 1990 च्या दशकाच्या उत्तरार्धात भारत आणि रशियाच्या संयुक्त उपक्रमा अंतर्गत ब्राह्मोस सुपरसॉनिक क्षेपणास्त्र भारताच्या तिन्ही सशस्त्र दलांसाठी एक शक्तिशाली हत्यार बनले आहे. 

ताज्या बातम्या वाचण्यासाठी येथे क्लिक करा

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com