पत्नीने प्रियकरासोबत मिळून पतीला भर रस्त्यात दिला चोप

कानपूर - उत्तर प्रदेशातील कानपूर इथला एक व्हिडिओ सध्या सोशल मीडियावर प्रचंड व्हायरल होत आहे. 'पती पत्नी और वो'चा हा किस्सा चर्चेत आहे. पतीने प्रियकरासोबत जात असलेल्या पत्नीच्या गाडीला धडक देऊन थांबवलं. त्यानंतर पत्नीने प्रियकरासोबत मिळून पतीलाच मारहाण केल्याचा प्रकार घडला.

पती पत्नी आणि प्रियकाराच्या या भांडणामुळे बराच वेळ रस्त्यावर गोंधळ निर्माण झाला होता. लोकांनी याची माहिती पोलिसांनी दिल्यानंतर पोलिसांनी येऊन प्रकरण शांत केले. तासभर चाललेल्या या प्रकाराचा व्हिडिओ लोकांनी शूट केला. यातीलच मारहाणीचा व्हिडिओ व्हायरल होत आहे. 

हे वाचा - विनाघटस्फोट दुसऱ्या लग्नामुळे आईचा मुलावरील ताबा संपुष्टात येत नाही; हायकोर्टाचा निर्णय

याबाबत मिळालेली माहिती अशी की, पती आणि पत्नी यांच्यामध्ये घटस्फोटाची प्रक्रिया सुरु आहे. यावेळी पतीने पत्नीला दुसऱ्या तरुणासोबत फिरताना पाहिलं तेव्हा त्याला विरोध केला. यानंतर पत्नीने प्रियकरासोबत पतीला रस्त्यावर मारहाण केली. याचा व्हिडिओ सोशल मीडियावर वेगाने व्हायरल होत आहे. संबंधित महिलेचा पती एका गावाचा सरपंच असून भागात या प्रकाराची चर्चा होत आहे.

हे वाचा - देशातील पक्ष्यांच्या मृत्यूने `हायअलर्ट'; वनाधिकारी, कर्मचाऱ्यांना काळजी घेण्याची सूचना

याआधी कानपूरमधील हरवंश मोहालमधील एका व्यापाऱ्याच्या पत्नीचे शेजारी राहणाऱ्यासोबत अफेअर होतं. त्याच्यासोबत पत्नी आईस्क्रीम खाण्यासाठी गेली होती. याची माहिती होताच व्यापारी त्याच्या काही साथीदारांसह तिथं पोहोचला. पत्नीसह प्रियकराला पकडून मारहाण केली होती. यावेळी एका मित्रालासुद्धा चपलाने मारहाण केली.