Karni Sena : करणी सेनेच्या नगर मंत्र्याची चाकूने भोसकून हत्या; 3 आरोपींना अटक | Sakal
sakal

बोलून बातमी शोधा

Karni Sena Nagar Mantri Rohit Rajput Murder

एका व्यक्तीनं या हत्याकांडाचा व्हिडिओ बनवून तो व्हायरल केला आहे.

Karni Sena : करणी सेनेच्या नगर मंत्र्याची चाकूने भोसकून हत्या; 3 आरोपींना अटक

नर्मदापुरम : नर्मदापुरमच्या (Narmadapuram) इटारसीमध्ये शुक्रवारी रात्री हल्लेखोरांनी करणी सेनेच्या (Karni Sena) शहर मंत्र्याची हत्या केल्यानं खळबळ उडाली. सूरजगंज रोडवर 3 हल्लेखोरांनी मिळून रोहित सिंह राजपूत (28) आणि त्याचा मित्र सचिन पटेल यांच्यावर चाकूनं हल्ला केला. आश्‍चर्याची बाब म्हणजे, ज्या वेळी ही हत्या झाली, त्या वेळी लोक मोठ्या संख्येनं तिथं उपस्थित होते. त्यापैकी कोणीही हस्तक्षेप केला नाही.

एका व्यक्तीनं या हत्याकांडाचा व्हिडिओ बनवून तो व्हायरल केलाय. माहिती मिळताच पोलिसांनी (Itarsi Police Station) घटनास्थळ गाठून मृतदेह ताब्यात घेऊन आरोपीला अटक केलीय. मिळालेल्या माहितीनुसार, ही घटना शुक्रवारी रात्री 8.15 च्या सुमारास घडली. रोहित त्याच्या मित्रासोबत मुख्य बाजारपेठेत गप्पा मारत बसला होता. दरम्यान, दुचाकीवरून तीन मुलं तिथं पोहोचली आणि त्यांनी दोघांशी वाद घालण्यास सुरुवात केली.

हेही वाचा: VIDEO : भाजप आमदाराचं महिलेशी गैरवर्तन; भररस्त्यात शिवीगाळ, तुरुंगात टाकण्याचीही धमकी

अचानक त्यांच्यात वाद झाला आणि एका बदमाशानं चाकू काढून रोहितच्या पोटात वार केला. आरोपी त्यांच्यावर सतत हल्ले करत होते. हे पाहून त्याचा मित्र त्याला वाचवायला आला. त्यानंतर हल्लेखोरांनी त्याच्यावरही सपासप वार केले. तिथं उभ्या असलेल्या लोकांनी तत्काळ पोलिसांना ही माहिती दिली आणि जखमींना रुग्णालयात दाखल केलं. तिथं उपचारादरम्यान रोहितचा मृत्यू झाला, तर त्याचा मित्र गंभीर आहे. दरम्यान, इटारसी पोलिस स्टेशनचे टीआय आरएस चौहान यांनी सांगितलं की, करणी सेनेचे शहर मंत्री रोहित सिंह राजपूत यांच्या हत्येमागं जुना वाद आहे. हत्येतील मुख्य आरोपी फूलसिंग ठाकूर (वय 27) हा उत्तर बंगला इटारसी येथील रहिवासी आहे.

हेही वाचा: Ghulam Nabi Azad : काँग्रेस सोडल्यानंतर आझादांची जम्मूमध्ये आज पहिलीच जाहीर सभा

Web Title: Karni Sena Nagar Mantri Rohit Rajput Murder Video Went Viral Police Arrested 3 Accused Madhya Pradesh

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :Madhya PradeshCrime News