कुलगाम चकमक : पाकिस्तानी दहशतवादी बाबर ठार, पोलीस कर्मचारी शहीद

जम्मू काश्मीर : काश्मीर (kashmir) विभागातील कुलगाम (kulgam) जिल्ह्यात बुधवारी सुरक्षा दल आणि दहशतवाद्यांमध्ये चकमक (kulgam pariwan encounter) झाली, जी गुरुवारी सकाळपर्यंत चालली. यामध्ये जैश-ए-मोहम्मद या दहशतवादी संघटनेचा एक दहशतवादी मारला गेला. ज्याची ओळख बाबर अशी झाली आहे. तो पाकिस्तानचा रहिवासी होता.

तीन जवान आणि दोन नागरिक जखमी

शोपियान आणि कुलगाममध्ये 2018 पासून सक्रिय होता. दहशतवाद्यांकडून एक AK-47 रायफल, एक पिस्तूल आणि दोन ग्रेनेड जप्त करण्यात आले आहेत. या चकमकीत एक पोलीस जवान शहीद झाला आहे. तसेच लष्कराचे तीन जवान आणि दोन नागरिक जखमी झाले आहेत. ज्यांना उपचारासाठी रुग्णालयात दाखल करण्यात आले आहे.

जैश-ए-मोहम्मदचा दहशतवादी बाबर

परवान भागात दहशतवादी असल्याची माहिती पोलिसांना मिळाली होती. त्या आधारे सुरक्षा दलाच्या पथकाने शोध मोहीम सुरू केली. गराडा कडक झाल्याचे पाहून दहशतवाद्यांनी गोळीबार सुरू केला. प्रत्युत्तरादाखल चकमक सुरू झाली. ज्यात जैश-ए-मोहम्मदचा दहशतवादी बाबर जवानांनी मारला.

पोलीस जवान शहीद, लष्कराचे तीन जवान आणि दोन नागरिक जखमी

काश्मीर झोनचे आयजी विजय कुमार यांनी सांगितले की, चकमकीत पाकिस्तानी दहशतवादी बाबर मारला गेला आहे. त्याच्या ताब्यातून शस्त्रास्त्रे आणि दारूगोळा जप्त करण्यात आला आहे. यात एक पोलीस शहीद झाला आहे. लष्कराचे तीन जवान आणि दोन नागरिक जखमी झाले. ज्यांच्यावर उपचार सुरू आहेत. नागरिक किरकोळ जखमी झाले.