Latest Maharashtra News Updates : दिवसभरातील महत्त्वाच्या घडामोडी वाचा एका क्लिकवर

हिंगोली जिल्हा दौऱ्यावर असलेल्या मुख्यमंत्र्यांनी कळमनुरी शेत शिवारात गाड्यांचा ताफात थांबवत सोयाबीन पिकांची बारकाईने पाहणी केली .मार्मिक'चा उद्या ६४ वा वर्धापन दिन सोहळा. उद्धव ठाकरे उपस्थित राहणार. साप्ताहिक मार्मिकचा ६४वा वर्धापन दिन सोहळा मार्मिक मंगळवार १३ ऑगस्ट रोजी शिवसेना पक्षप्रमुख आणि मार्मिकचे संपादक उद्धव ठाकरे यांच्या प्रमुख उपस्थितीत शिवाजी मंदिर, दादर इथे सोहळा रंगणार आहे. .शिवसेना पक्ष आणि चिन्ह प्रकरणात सुप्रीम कोर्टात होणारी सुनावणी पुन्हा महिनाभर पुढे ढकलण्यात आलीय. १४ ऑगस्टला होणारी सुनावणी आता १७ सप्टेंबरला होण्याची शक्यता आहे. .छत्रपती संभाजीनगरच्या जिल्हा ग्रामीण पोलीस अधीक्षक पदाचा आज डॉ. विनयकुमार राठोड पदभार घेतला. पोलीस अधीक्षक मनीष कलवनिया यांच्याकडून त्यांनी पदभार स्वीकारला. छत्रपती संभाजीनगर शहर वगळता जिल्ह्यातील ९ तालुक्याची धुरा जिल्हा पोलिस अधीक्षकांकडे आहे..महाराष्ट्र क्रिकेट असोसिएशनच्या नवीन कार्यालयाचे उद्घाटन शरद पवार यांच्या हस्ते होत आहे. पुण्यातील मोदीबागेत या नवीन कार्यालयाचे उद्घाटन करण्यात आले. उद्घाटन प्रसंगी शरद पवार आणि आशिष शेलार एकत्र आल्याचे पाहायला मिळाले. यावेळी महाराष्ट्र क्रिकेट असोसिएशनचे अध्यक्ष रोहित पवार यांच्यासह अनेक पदाधिकारी उपस्थित होते. आता या नवीन कार्यालयातून संघटनेचे कामकाज चालणार आहे. .नवी दिल्ली : काँग्रेस अध्यक्ष मल्लिकार्जुन खर्गे यांनी उद्या सकाळी 10.30 वाजता पक्षाच्या नेत्यांची महत्वाची बैठक बोलावली आहे. सरचिटणीस, सर्व राज्यांचे प्रभारी आणि प्रदेशाध्यक्ष या बैठकीला उपस्थित राहाणार आहेत. महाराष्ट्र काँग्रेस अध्यक्ष नाना पटोले आणि प्रभारी रमेश चेंनिथला बैठकीला उपस्थित राहती ल. आगामी काळात होणाऱ्या विधानसभा निवडणुकीची तयारी बाबत बैठकीत चर्चा होणार असून जातीय जनगणना आणि सुप्रीम कोर्टाने SC/ST बाबत दिलेल्या निर्णया वर देखील बैठकीत चर्चा होईल. .राज्य मंत्रिमंडळाची बैठक, दिनांक 13 ऑगस्ट रोजी सकाळी 11 वाजता मंत्रालय येथे होणार आहे.इंदापुरच्या निरवांगीत माजी मंत्री हर्षवर्धन पाटलांची विकास कामांवरून आमदार दत्तात्रय भरणेंवर बोचरी टीका. दहा वर्ष अडवलंच आहे आणखी दोन महिने अडवतील, नंतर आपणच आहोत असं सुचक वक्तव्य विधानसभेबाबत हर्षवर्धन पाटलांनी केलंय. .- नरेश म्हस्के यांनी एक संदर्भ सांगितला होता. उद्भव ठाकरे दिल्लीला गेले होते - त्या तीन दिवसात साउथ आफ्रिका मधील फरार आरोपी गुप्ताला भेटले होते.- आमच्याकडे पक्की माहिती आहे की उद्धव ठाकरे यांना भेटायला काळया काचेच्या गाडीतून आलेली व्यक्ती म्हणजे गुप्ता बंधू पैकी एक होता.- संजय राऊत यांच्या घरी ही अजय गुप्ता यांची भेट झाली, अर्धा तास चर्चा झाली.हिंडनबर्गच्या अहवालानंतर सेबीच्या आवाहनाला गुंतवणूकदारांचा प्रतिसाद. विचलित न होता गुंतवणूकदारांची सावध भूमिका. सकाळच्या घसरणीनंतर शेअर बाजारात सकारात्मक कल..मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांच्या उपस्थितीत ‘मित्र’ नियामक मंडळाची बैठक पार पडली आहे. कृषी, आरोग्य, शिक्षण, पर्यावरण, पायाभूत सुविधा, ऊर्जा क्षेत्रावर ‘मित्र’ नं विशेष लक्ष केंद्रीत करावे असे निर्देश मुख्यमंत्री एकनाथ शिंदे यांनी दिले आहेत..हिंडेनबर्गच्या अहवालावर काँग्रेस नेते पवन खेरा म्हणाले, "सेबी, पंतप्रधान आणि निर्मला सीतारामन यांनी हिंडेनबर्गने उपस्थित केलेल्या वस्तुस्थिती आणि मुद्द्यांवर प्रतिक्रिया कधी देणार? आम्ही त्या तारखेची वाट पाहत आहोत. SEBI चेअरपर्सन झाल्यानंतरही त्यांनी गौतम अदानींच्या विदेशी कंपन्यांमध्ये गुंतवणूक केली होती, असा संशय भारत सरकारला होता का? त्यांनी राजीनामा द्यावा...''.देवेंद्र फडणवीस यांना 25 लाख महिला राखी पाठवणार आहे. महिला मोर्चाच्या माध्यमातून हे काम केलं जाणार आहे. देवेंद्र फडणवीस यांना भावाप्रमाणे महाराष्ट्रासाठी आणि महिलांसाठी काम केलं. रक्षाबंधनाला लाडकी बहिणीचे हफ्ते खात्यावर जमा होणार आहेत. मुख्यमंत्री एकनाथ शिंदे आणि उपमुख्यमंत्री अजित पवार यांनी देखील राखी पाठवणार आहे..पीसीएमसीच्या लिफ्टमध्ये ५ जण अडकले असून त्यांना बाहेर काढण्याचा प्रयत्न सुरू आहे. .मध्यप्रदेशात 'लाडली बहन' योजनेच्या विरोधात कॉंग्रेस हायकोर्टात गेली होती. महाराष्ट्रातही विरोधक 'लाडकी बहिण' योजनेला विरोध करत आहेत. कॉंग्रेसने कर्नाटकात ही खोटारडेपणा केला, असे विधान भाजप प्रदेशाध्यक्ष चंद्रशेखर बावनकुळेंनी पत्रकार परिषदेत बोलताना केले. .बनावट तिकीटाद्वारे विमानप्रवास करण्याच्या तयारीत असलेल्या दोघांना पुणे विमानतळावरून अटक करण्यात आली आहे. पुणे विमानतळ पोलिसांनी या दोघांना बेड्या घातल्या असून त्यांची चौकशी करण्यात येत आहे. .१६ ऑगस्ट रोजी भाजपाचे राष्ट्रीय अध्यक्ष जे पी. नड्डा पश्चिम महाराष्ट्राच्या दौऱ्यावर येणार आहेत. सातारा लोकसभा मतदारसंघातील कराड दक्षिण विधानसभा मतदारसंघाचे भाजपाचे नेते अतुल भोसले यांच्या मतदारसंघात भव्य जनसंवाद मेळावा होणार आहे. या भव्य कार्यक्रमासाठी उपमुख्यमंत्री देवेंद्र फडणवीस, सातारा जिल्ह्याचे पालकमंत्री शंभूराजे देसाई यांच्यासह इतर महायुतीचे महत्त्वाचे नेते उपस्थित राहणार आहेत. लोकसभा निवडणुकीत पश्चिम महाराष्ट्रात महायुतीला 10 लोकसभा मतदारसंघांपैकी फक्त 4 लोकसभा मतदारसंघात यश मिळाले होते. त्यामुळे, महायुती मधील प्रमुख पक्ष असलेल्या भाजपाचे विशेष लक्ष पश्चिम महाराष्ट्रावर आहे. काँग्रेसचे ज्येष्ठ नेते तथा राज्याचे माजी मुख्यमंत्री पृथ्वीराज चव्हाण हे भाजपाचे नेते अतुल भोसले यांचे पारंपारिक विरोधक आहेत..काँग्रेसच्या राज्यातल्या अंतर्गत सर्व्हेत जवळपास 21 मतदारसंघात काँग्रेस आमदारांची खराब कामगिरी असल्याची माहिती मिळते आहे. या आमदारांचं पक्षाकडून तिकीट कापलं जाण्याची शक्यता आहे. विधानसभा मतदारसंघात चांगली कामगिरी असणाऱ्या आमदारालाच काँग्रेस तिकीट देणार असल्याची सूत्रांची माहिती आहे. कामगिरी नीट नसलेल्या आमदाराला तिकीट मिळणार नाही. काँग्रेस हायकमांडनं महाराष्ट्रातील काँग्रेस अध्यक्ष आणि वरिष्ठ नेत्यांना तसे निर्देश दिले आहेत. .शिलाँग (मेघालय) सीमा सुरक्षा दलाने (बीएसएफ) मेघालय पोलिसांच्या मदतीने 10 ऑगस्ट रोजी सुनियोजित कारवाईत दोन भारतीय मदतनीसांसह सात बांगलादेशी नागरिकांना पोलीस भारतात घुसखोरी करताना अटक केली. .तिरुवल्लूर येथील चेन्नई-तिरुपती राष्ट्रीय महामार्गावर ट्रक आणि कारच्या धडकेत पाच विद्यार्थ्यांचा मृत्यू झाला असून दोन जण जखमी झाले आहेत. हे विद्यार्थी खासगी विद्यापीठातील आहेत. .कोलकाता इथल्या सरकारी वैद्यकीय महाविद्यालयात महिला डॉक्टरवर झालेल्या अत्याचारप्रकरणी भाजपाकडून सीबीआय चौकशीची मागणी करण्यात आली आहे. या विरोधात आज देशभरात रुग्णालयातल्या सेवा आज बंद ठेवण्याचा निर्णय घेतला आहे. .पॅरिस ऑलिम्पिक स्पर्धेत चमकदार कामगिरी करणाऱ्या भारतीय खेळाडूंचा देशाला अभिमान - पंतप्रधान नरेंद्र मोदी यांनी खेळाडूंना शुभेच्छा दिल्या..पश्चिम महाराष्ट्रातील सर्वच जिल्ह्यांत आज (ता.१२) पावसाचे प्रमाण अल्प राहील. सोलापूर जिल्ह्यात मात्र पावसाची उघडीप राहणे शक्य आहे. सांगली व नगर जिल्ह्यांत १ मि.मी. व सातारा जिल्ह्यात २ मि.मी., तर कोल्हापूर व पुणे जिल्ह्यांत २ ते ३ मि.मी. पावसाची शक्यता आहे.वाऱ्याची दिशा नैर्ऋत्येकडून राहील. वाऱ्याचा ताशी वेग सांगली, सोलापूर, पुणे व नगर जिल्ह्यांत २१ ते २६ किमी, तर कोल्हापूर व सातारा जिल्ह्यांत ताशी १४ ते १७ किमी राहील. कमाल तापमान कोल्हापूर जिल्ह्यात २९ अंश सेल्सिअस, सातारा, पुणे व नगर जिल्ह्यांत ३० अंश सेल्सिअस, सांगली जिल्ह्यात ३१ अंश सेल्सिअस व सोलापूर जिल्ह्यात ३२ अंश सेल्सिअस राहील. किमान तापमान सर्वच जिल्ह्यांत २३ अंश सेल्सिअस राहील. आकाश पूर्णतः ढगाळ राहील. सकाळची सापेक्ष आर्द्रता ८२ ते ९४ टक्के, तर दुपारची सापेक्ष आर्द्रता ५१ ते ७६ टक्के राहील..बांगलादेशात हिंदूंवर होणाऱ्या हल्ल्यांच्या विरोधात आता देशभरात हिंदू रस्त्यावर उतरले आहेत. ढाकापासून फरीदपूरपर्यंत सर्व शहरांमध्ये हिंदू लोक कट्टरवाद्यांच्या विरोधात आंदोलन करत आहेत. अंतरिम सरकारचे प्रमुख मोहम्मद युनूस आज हिंदू समाजातील लोकांची भेट घेणार आहेत..Latest Marathi Live Updates 12 August 2024 : अमेरिकन शॉर्ट सेलर कंपनी हिंडेनबर्ग रिसर्चच्या नवीन अहवालात सेबीच्या अध्यक्षा माधवी पुरी बुच आणि त्यांचे पती धवल बुच यांच्यावर अदानी समूहाबाबत अनेक आरोप करण्यात आले आहेत. सेबी प्रमुख आणि त्यांच्या पतीने एक संयुक्त निवेदन जारी करून हिंडेनबर्गचे आरोप फेटाळून लावले आणि ते पूर्णपणे निराधार असल्याचे म्हटले आहे. अदानी समूहानेही हिंडेनबर्ग रिसर्चच्या नवीन आरोपांचे वर्णन दुर्भावनापूर्ण आणि निवडकपणे सार्वजनिक माहितीशी छेडछाड करणारे म्हणून केले आहे. मात्र, असे असूनही आज भारतीय बाजारात मोठे चढउतार पाहायला मिळू शकतात.यासह राज्यात विधानसभा निवडणुकांची लगबग सुरू असून सर्व पक्षांनी तयारी सुरू केली आहे. दुसरीकडे मराठा आरक्षणासाठी मनोज जरांगे पाटील यांच्या शांतता रॅली आज अहमदनगरमध्ये असणार आहे.यासह देश आणि राज्यातील महत्त्वाच्या घडामोडी तसेच वाहतूक कोंडी, राजकीय घडामोडी, क्रीडा, मनोरंजन, मान्सून या सर्व घडामोडींचे अपडेट जाणून घ्या एका क्लिकवर...सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Latest Maharashtra News Updates : दिवसभरातील महत्त्वाच्या घडामोडी वाचा एका क्लिकवर

Hingoli: मुख्यमंत्री एकनाथ शिंदे यांनी केली पिकांची पाहणी

Related Stories