Meghalaya Election : मेघालयात फक्त 2 जागा जिंकणाऱ्या भाजपचा NPP ला पाठिंबा; संगमा होणार CM

शिलाँग : नॅशनल पीपल्स पार्टी (National People's Party NPP) मेघालयात पुन्हा एकदा सरकार स्थापन करणार आहे. भारतीय जनता पक्षानं (BJP) त्यांना पाठिंबा दिला आहे.

मुख्यमंत्री कॉनराड के संगमा (Conrad K Sangma) यांनी शुक्रवारी राज्यपालांकडं राजीनामा सुपूर्द केला आणि नवीन सरकार स्थापन करण्याचा दावा केला.

‘भाजपचा आम्हाला पाठिंबा’

संगमा म्हणाले, "भाजपनं आम्हाला औपचारिक पाठिंबा दिला आहे. आम्ही राज्यपालांना भेटू आणि त्यांना विनंती करू की, नॅशनल पीपल्स पार्टीला (एनपीपी) सरकार स्थापन करण्यासाठी आमंत्रित करा. आमच्याकडं सत्ता स्थापनेसाठी अधिक संख्याबळ आहे. तसेच आम्हाला माहिती मिळाली आहे की, केंद्रीय गृहमंत्री अमित शाह (Amit Shah) आणि पंतप्रधान मोदी (PM Modi) या शपथविधी सोहळ्याला उपस्थित राहणार आहेत. मात्र, आम्ही पीएमओकडून माहिती घेत आहोत, असंही त्यांनी सांगितलं.

मेघालयात NPP नं 59 पैकी 26 जागा जिंकल्या आहेत. त्याचवेळी काँग्रेस-टीएमला प्रत्येकी पाच जागा मिळाल्या आहेत. तर, भाजपला केवळ दोन जागांवर समाधान मानावं लागलं आहे. शिवाय, युनायटेड डेमोक्रॅटिक पार्टी (UDP) नं 11 मतदारसंघ जिंकले आहेत. दुसऱ्या क्रमांकाचा पक्ष म्हणून समोर आला आहे. यूडीपीला 2018 मध्ये केवळ सहा जागा मिळाल्या होत्या.