"हिंदूंना हिंदू म्हणून राहायचं असेल, तर अखंड भारताची गरज" - भागवत

भारत हा स्वता:च्या तत्वावर आधारित उभा असून 'हिंदुत्व' हे भारताचे तत्व आहे असे ते म्हणाले.
मोहन भागवत
मोहन भागवतsakal media

ग्वालियार (मध्यप्रदेश) : राष्ट्रीय स्वयंसेवक संघाचे सरसंघचालक मोहन भागवत यांनी शनिवारी बोलताना हिंदूशिवाय भारत नाही आणि भारताशिवाय हिंदू नाहीत असं वक्तव्य केलं. हिंदू आणि भारत कधीही वेगळे होऊ शकत नाहीत, असं ते म्हणाले.

भारत हा स्वत:च्या तत्त्वावर आधारलेला असून 'हिंदुत्व' हे भारताचे तत्व असल्याचा उल्लेख त्यांनी केला. फाळणीबद्दल बोलताना भागवत म्हणाले की, "फाळणीनंतर भारताचे तुकडे झाले आणि पाकिस्तानची निर्मिती झाली. आपण हिंदू आहोत हे आपण विसरलो म्हणून हे घडलं, मुस्लीमसुद्धा हे विसरले होते, असं म्हणून त्यांनी आणखी एका काँट्रोव्हर्सीला जन्म दिल्याची चर्चा आहे.

मोहन भागवत
HIV बाधिताकडून ‘ओमिक्रोन’चा संसर्ग? लंडनमध्ये संशोधन सुरू

आधी स्वतःला हिंदू समजणाऱ्यांची संख्या कमी झाली, नंतर हळूहळू हिंदूंची संख्या कमी झाली. म्हणूनच पाकिस्तान हा भारताचा भाग जास्त काळ राहू शकला नाही. याबरोबरच भारतातील हिंदूंची संख्या कमी होऊ लागली आहे, असेही ते म्हणाले.

"आपल्याला दिसेल की हिंदूंचे सामर्थ्य आणि संख्या दिवसेंदिवस कमी होऊ लागली आहे. किंवा हिंदुत्वाबद्दलची भावना कमी होताना आपल्याला दिसत असेल. हिंदूंना हिंदू म्हणून राहायचं असेल तर अखंड भारत राहायला पाहिजे, असं त्यांनी अधोरेखित केलं.

याअगोदर एका पुस्तकाच्या प्रकाशन सोहळ्याप्रसंगी सरसंघचालक म्हणाले होते की, "फाळणीच्या वेळी झालेल्या त्रासाला भारताने विसरता कामा नये, भारताची फाळणी पूर्ववत झाल्यावर ते निघून जाईल" असे ते म्हणाले होते.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com