पोलिओ लसीकरण मोहिम लांबणीवर

पोलिओ लसीकरण मोहिम लांबणीवर

नवी दिल्ली - देशभरात कोरोना लसीकरणाचे पडघम वाजत असतानाच राष्ट्रीय पोलिओ लसीकरण मोहिम मात्र पुढे ढकलण्यात आली आहे. आकस्मिक कारणांमुळे पुढील सूचनेपर्यंत ही मोहिम पुढे ढकलल्याचे केंद्राने स्पष्ट केले. 

येत्या १७  जानेवारीला राष्ट्रीय पोलिओ लसीकरण दिन होता.  या मोहिमेतंर्गत पाच  वर्षांपर्यंतच्या मुलांना पोलिओची लस दिली जाते. मात्र, आरोग्य मंत्रालयाने सर्व राज्यांच्या आरोग्य सचिवांना यासंदर्भात नऊ जानेवारीला पत्र पाठविले आहे. काही आकस्मिक कारणांमुळे नियोजित पोलिओ मोहिम पुढील आदेशापर्यंत पुढे ढकलण्यात आली आहे, असे या पत्रात म्हटले आहे.

केंद्रीय आरोग्यमंत्री हर्ष वर्धन यांनी नुकतीच १७ जानेवारीला पोलिओ लसीकरण मोहिम राबविण्याचे जाहीर केले होते. दोनतीन दिवस चालणाऱ्या या मोहिमेत लसीकरणापासून वंचित राहणाऱ्या मुलांना शोधून लस देण्याची घोषणाही त्यांनी केली होती.

कोरोना लसीकरणाचा अडथळा?
देशभरात कोरोना लसीकरणाला १६ जानेवारीपासून सुरवात होत आहे. पंतप्रधान नरेंद्र मोदी यांनी जगातील लसीकरणाची सर्वांत मोठी मोहिम असा उल्लेख केलेल्या या मोहिमेत पोलिओ लसीकरण मोहिमेचा अडथळा ठरण्याची शक्यता होती. त्यामुळे, पोलिओ लसीकरण पुढे ढकलल्याची शक्यता आहे.  

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com