आता गाड्यांवर Fastag असणं अत्यावश्यक; अन्यथा टोल नाक्यावर बसणार मोठा भूर्दंड

नवी दिल्ली- 1 जानेवारी 2021 पासून विना फास्टॅग लावलेल्या गाड्या टोल लेनवरुन गेल्या तर त्यांना दुप्पट टोल द्यावा लागू शकतो. नव्या व्यवस्थेसाठी टोल नाक्याच्या संचालकांनी तयारी सुरु केली आहे. तसेच 15 डिसेंबर पासून सर्व टोल नाके कॅशलेस होतील. असे असले तरी कॅश लेनही सुरु राहील. यावेळी विना फास्टॅग गाडी मालकांकडून दुप्पट टोल वसूल केला जाणार आहे. टोलवरुन जाणाऱ्या गाड्यांच्या आकड्य़ावरुन स्पष्ट होतंय की अजूनही 25 टक्के गाड्या विना फास्टॅग आहेत. 

टोल कर्मचाऱ्यांनी सांगितल्यानुसार, लोकांना फास्टॅगसंबंधी जागरुक केले जाईल. टोल नाक्यावर खासगी एजेंसीचे प्रतिनिधीही उपस्थित राहतील, जे फास्टॅगची औपचारिकता पूर्ण करतील. दुसरीकडे काही बँकांनीही आपले कँम्प उभे केले आहेत. टोक नाक्यावर दोन लेन विना फास्टॅग असणाऱ्या गाड्यांसाठी सोडण्यात आले आहे. अशा पद्धतीने उत्तर प्रदेशातील अन्य टोल नाक्यांवरही सर्व लेन फास्टॅगचे केले जाणार आहेत. 

वादग्रस्त वक्तव्यावर प्रश्न विचारताच रावसाहेब दानवेंनी काढला पत्रकार परिषदेतून...

मेरठमधील सीवाया टोल नाक्यावरुन दररोज 35 हजारांपेक्षा अधिक गाड्या जातात. यातील जवळजवळ 5 हजार गाड्या विना फास्टॅग असतात. नवीन गाड्यांमध्ये फास्टॅग आधीपासून असते, पण जून्या गाड्यांमध्ये फास्टॅग उपलब्ध नसते. पेटीएम, एअरटेलपासून एनएचएआयपर्यंत सर्वांकडून फास्टॅग पुरवले जात आहे. एआरटीओच्या अधिकारी श्वेता वर्मा यांनी दिलेल्या माहितीनुसार, ज्यांना रेग्युलर जिल्ह्याच्या बाहेर जायचं नसतं, अशांनी फास्टॅग सुविधा घेतलेली नाही. व्यावसायिक गाड्यांना फास्टॅग लावण्यात आले आहेत. आता लोकांना फास्टॅग लावणे आवश्यक असणार आहे, कारण त्यांना दुप्पट टोल द्याला लागू शकतो.