कोरोनावर प्रभावी ‘रेमडेसिवीर’चे होणार भारतात उत्पादन; 'या' दोन कंपन्या करणार उत्पादन..

मुंबई: जगभर थैमान घालणाऱ्या कोरोनावर अद्याप औषध आलेलं नाही. मात्र, ‘रेमडेसिवीर’ हे औषध कोरोना विषाणूवर प्रभावी असल्याचं जागतिक आरोग्य संघटनेने स्पष्ट केले असून दरम्यान, आता या औषधाचं उत्पादन आणि विक्री दोन्ही भारतात होण्यास परवानगी मिळाली आहे. भारतात ‘रेमडेसिवीर’चे उत्पादन घेण्यास, विकण्यास दोन कंपन्यांना परवानगी देण्यात आली आहे.

‘रेमडेसिवीर’चे उत्पादन भारतात होणार असून ड्रग कंट्रोलर जनरल ऑफ इंडियाने या रेमडेसिवीर औषधाच्या उत्पादनासाठी हेटेरो आणि सिप्ला या दोन कंपन्यांना परवानगी दिली आहे. दरम्यान, रेमडेसिवीर हे औषध महाराष्ट्र सरकारलाही हवं होतं. त्यासाठी बांगलादेशातून त्याची आयात करण्यात येणार होती. मात्र, काही कारणांमुळे ही आयात थांबवण्यात आली आहे. मात्र, आता या औषधाचं भारतातच उत्पादन होणार असल्याने कोरोनाच्या संकटात दिलासादायक बातमी दिली आहे.

हेही वाचा: कोरोनाचा कहर! मुंबईत उपनिरिक्षकाचा कोरोनामुळे मृत्यू; SRPF मध्ये होते कार्यरत..

या दोन कंपन्या करणार उत्पादन आणि विक्री:

ज्यांना कोरोनाची लागण झाली असून जे रुग्ण हॉस्पिटलमध्ये दाखल आहेत केवळ त्यांच्यासाठीच रेमडेसिवीर हे औषध वापरण्यात येणार आहे. म्हणजेच गंभीर रुग्णांसाठी या औषधाचा वापर केला जाईल. यासाठी या औषधाचं उत्पादन आणि विक्रीसाठी हेटेरो आणि सिप्ला या कंपन्यांना परवानगी देण्यात आली आहे. शनिवारी रात्री ड्रग कंट्रोलर जनरल ऑफ इंडियाने हा निर्णय घेतला.

हेही वाचा: मुंबईतील 'या' चार विभागांमध्ये  पुन्हा लॉकडाऊन करा; पोलिसांचा महापालिकेपुढे प्रस्ताव

राज्यात ही सुरू होणार क्लिनिकल ट्रायल: 

उद्या रेमडेसिवीरबाबतची कागदपत्र सरकारकडे सोपवली जाणार आहे. ड्रग कंट्रोलर जनरल ऑफ इंडियाने भारतातील दोन कंपन्या हेटेरो आणि सिप्ला यांना याबाबतची परवानगी दिली आहे. मात्र, यासाठी मुख्यमंत्री सहाय्यता निधीची मागणी केली जाणार आहे. त्यानुसार, राज्यात लवकरच रेमडेसिवीरची क्लिनिकल ट्रायल केली जाईल," असं समन्वय अधिकारी डॉ. आकाश खोब्रागडे यांनी म्हंटलंय.

now remdesivir tablets will produced in india