‘पाळत’ प्रकरणाची स्वतंत्र चौकशी हवी

नवी दिल्ली (वृत्तसंस्था) : पेगॅसस (Pegasus) या स्पायवेअरच्या माध्यमातून ठेवण्यात आलेल्या पाळतप्रकरणी माध्यमक्षेत्रातील आघाडीची संस्था ‘एडिटर्स गिल्ड ऑफ इंडिया’ने (Editors Guild india) सर्वोच्च न्यायालयात (Supreme Court) धाव घेतली असून, या प्रकाराची विशेष तपास पथकाच्या माध्यमातून (SIT) चौकशी करण्याचे निर्देश द्यावेत, अशी मागणी या संघटनेकडून करण्यात आली आहे. (Pegasus Editors Guild moves Supreme Court for SIT probe)

आता या पाळत प्रकरणामध्ये ‘एडिटर्स गिल्ड’ याचिकाकर्ते बनले असून या प्रकाराची स्वतंत्रपणे चौकशी होणे गरजेचे असल्याचे संघटनेने म्हटले आहे. नागरिकांवरील देखरेखीच्या अनुषंगाने सर्वोच्च न्यायालयाने दिशा- निर्देश जारी करावेत. पेगॅससचा वापर करून नेमकी कोणती माहिती मिळविण्यात आली हे सांगण्याचे निर्देश केंद्र सरकारला द्यावेत. सरकारच्या एखाद्या संस्थेने हे स्पायवेअर खरेदी केले होते का? याबाबत केंद्राने माहिती द्यावी, अशी मागणीही करण्यात आली आहे.