नवी दिल्ली- औषध निर्माती फायजर कंपनीने कोरोनावरील लशीच्या अंतिम टप्प्यातील चाचणीचे 95 टक्के निकाल सकारात्मक आल्याचा दावा केला आहे. लवकरच लशीच्या मंजुरीसाठी एक-दोन दिवसांत अर्ज करणार असल्याची माहितीही कंपनीने दिली आहे.
अंतिम विश्लेषणाच्या काही दिवस आधी फार्मास्युटिकल औषध कंपनी फायजरने म्हटले होते की, लशीच्या विश्लेषणावरुन समजते की ही लस कोविड-19 रोखण्यात 90 टक्केपर्यंत प्रभावी ठरु शकते. यावरुन लशीचे परीक्षण व्यवस्थित सुरु असल्याचे संकेत मिळत आहेत. दरम्यान, या लशीवरुन अमेरिकेचे नवनियुक्त राष्ट्राध्यक्ष जो बायडन यांनी फायजर कंपनीचे अभिनंदन केले होते.
या अभ्यास चाचणीत अमेरिका आणि इतर पाच देशातील सुमारे 44 हजार जणांचा समावेश केला आहे. फायजर आणि जर्मनीतील त्यांची सहायक कंपनी बायोएनटेकही कोरोनापासून रक्षणासाठी लस तयार करण्याच्या शर्यतीत आहे. आणखी एक अमेरिकन कंपनी मॉडर्नानेही म्हटले की, ते या महिन्यात औषध प्रशासनाकडे परवानगीसाठी अर्ज दाखल करण्याची शक्यता आहे.
फायजरने म्हटले की, व्हॉलेंटियर्संना दिलेली BNT162b2ची पहिली लस 28 दिवसांनंतर 95 टक्के प्रभावी दिसून आली. आतापर्यंत कोणत्याच व्हॉलेंटियरवर दुष्परिणाम झालेला नाही.
16 नोव्हेंबरला अमेरिकन कंपनी मॉडर्नाने त्यांची लस 94.5 टक्के यशस्वी ठरल्याचे म्हटले होते. मॉडर्नाने सुमारे 30 हजार व्हॉलेंटियर्सवर क्लिनिकल ट्रायल केली आहे. तिसऱ्या टप्प्यातील क्लिनिकल ट्रायलच्या अभ्यासातून आम्हाला सकारात्मक परिणाम दिसून आले आहेत. आमची लस अनेक गंभीर आजारांबरोबरच कोरोनावरही परिणामकारक ठरु शकते, असे मॉडर्नाचे सीईओ स्टिफन बेसेल यांनी म्हटले होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.