भाजप खासदाराच्या निधनानंतर बेळगावच्या हातून 'ही' संधी हुकली I Belgaum | Sakal
sakal

बोलून बातमी शोधा

Pilot Training Center

वैमानिकांची मागणी घटल्यामुळं बेळगावातील हे केंद्र बंद झालं होतं; पण..

भाजप खासदाराच्या निधनानंतर बेळगावच्या हातून 'ही' संधी हुकली

बेळगाव : वैमानिक प्रशिक्षण केंद्र (Pilot Training Center) स्थापन करण्यासाठी केंद्र सरकारनं यापूर्वी बेळगाव आणि गुलबर्गा विमानतळांची निवड केली होती. पण, आता बेळगावात होऊ घातलेले वैमानिक प्रशिक्षण केंद्र हुबळीला (Pilot Training Center Hubli) मंजूर झाले आहे. बेळगाव विमानतळावर प्रशिक्षण केंद्रासाठी सर्व सोयी-सुविधा उपलब्ध असताना देखील बेळगावच्या (Belgaum) हातून ही संधी हुकली आहे.

हुबळी विमानतळावरील वैमानिक प्रशिक्षण केंद्राला केंद्र सरकारनं (Central Government) मंजुरी दिलीय. देशात वैमानिकांची संख्या कमी आहे, त्यामुळे नवे वैमानिक तयार करण्यासाठी देशभरातील निवडक सहा विमानतळावर वैमानिक प्रशिक्षण केंद्र सुरू केले जात आहे. यात प्रारंभी बेळगाव आणि गुलबर्गा विमानतळ यांचा समावेश करण्यात आला होता. पण, आता बेळगावऐवजी हुबळी विमानतळाची निवड झालीय. बेळगावात हे केंद्र सुरू केले जावे, ही जुनी मागणी आहे. खासदार सुरेश अंगडी (Suresh Angadi) रेल्वे राज्यमंत्री असताना त्यांनी याबाबतचा प्रस्ताव केंद्र सरकारकडे पाठविला होता.

हेही वाचा: 'या दोन पंतप्रधानांच्या सुरक्षेतील हलगर्जीपणामुळं देशाचं मोठं नुकसान झालंय'

पण, त्यांच्या निधनानंतर आता ही संधी बेळगावला हुकली आहे. काही दिवसांपूर्वी केंद्रीय मंत्री प्रल्हाद जोशी यांनी हुबळी येथे वैमानिक प्रशिक्षण केंद्र सुरू करण्यासाठी विमानोड्डाण मंत्री ज्योतिरादित्य सिंधिया यांच्याकडे प्रस्ताव पाठविला होता. त्याला अखेर मंजुरी मिळाली आहे. देशभरात अशाप्रकारे सहा वैमानिक प्रशिक्षण केंद्र सरकारकडून स्थापली जात आहेत. बेळगावातील विमानतळ हे ब्रिटिशकालीन असून नुकतेच या विमानतळाचे विस्तारीकरण देखील झाले आहे. यापूर्वी देखील बेळगाव विमानतळावर वैमानिक प्रशिक्षण केंद्र होते. पण, वैमानिकांची मागणी घटल्यामुळे बेळगावातील हे केंद्र बंद झाले होते. पण आता केंद्र सरकारच्या उडाण योजनेमुळे नव्या कंपन्याची देशाच्या विमान सेवेत भर पडली असून विमानांची संख्या देखील वाढली आहे. त्यामुळे पुन्हा एकदा प्रशिक्षित वैमानिकांची गरज भासत आहे. यासाठी बेळगावसह देशभरातील सहा ठिकाणी वैमानिक प्रशिक्षण केंद्र सुरू केले जाणार होते. पण, या यादीतून आता बेळगावला वगळण्यात आले आहे.

हेही वाचा: ठाण्याच्या 'या' चिमुरडी पुढं उदयनराजे नतमस्तक; जाणून घ्या का असं घडलं?

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top