शिक्षक भरती घोटाळा: कुलगुरूंच्या कार्यालयावर सीबीआयचा छापा

केंद्रीय अन्वेषण ब्यूरोने शिक्षक भरती घोटाळाची चौकशीसाठी बुधवारी सिलीगुडी उत्तर बंगाल विश्वविद्यालयाचे कुलगुरू सुबिरेस भट्टाचीर्य यांच्या कार्यालयावर वर धाड टाकली आहे. CBI ने कोलकत्ता मधील एका बिल्डीगला सील केले आहे. या घोटाळ्यात ममता बॅनर्जी यांचे विश्वासू असलेले,आणि त्यांच्या मंत्रीमंडळात असलेले माजी मंत्री पार्थ चाटर्जी ED ने अटक केली आहे.

कलकत्ता उच्च न्यायालयाने स्थापन केलेल्या समितीच्या अहवालात भट्टाचार्य यांचे नाव आले होते. अहवालात दावा करण्यात आला आहे की, गेल्या काही वर्षांत पश्चिम बंगाल सरकार चालवल्या जाणाऱ्या किंवा अनुदानित संस्थांमध्ये शाळा सेवा आयोगाच्या शिफारशींवर बेकायदेशीर नियुक्त्या करण्यात आल्या होत्या. भट्टाचार्य 2014 ते 2018 पर्यंत SSC चे अध्यक्ष होते.

सीबीआय च्या 12 सदस्यीय पथकाने सिलीगुडी येथील एनबीयू कुलगुरूंच्या कार्यालयावर धाड टाकली. सीबीआयच्या एका अधिकाऱ्याने सांगितले की, "आम्ही छापे टाकले आणि काही कागदपत्रे आणि त्याचा मोबाईल जप्त केला." दुसर्‍या पथकाने भट्टाचार्य यांचे कोलकात्याच्या बांसड्रोनी भागातील अपार्टमेंट सील केले. मात्र, तो आता सिलीगुडी येथे राहतो. NBU च्या कुलगुरूंशी संपर्क होऊ शकला नाही.

न्यायालयाने पार्थ चॅटर्जी आणि त्यांची जवळची सोबती अर्पिता मुखर्जी यांना 31 ऑगस्टपर्यंत न्यायालयीन कोठडीत पाठवण्याचे आदेश दिले आहेत. यापूर्वी कोलकाता शहर सत्र न्यायालयाने दोघांनाही 18 ऑगस्टपर्यंत कोठडी सुनावली होती. बंगालमध्ये शिक्षक भरती घोटाळा आणि मनी लाँड्रिंगच्या आरोपाखाली ईडीने या दोघांना 25 जुलै रोजी अटक केली होती. अर्पिताच्या घरावर टाकलेल्या छाप्यात ईडीने 50 कोटींहून अधिक रोकड आणि सोने जप्त केले होते. हे पैसे पार्थचे असल्याची कबुली अर्पिताने चौकशीदरम्यान दिली होती.