Video: युवती गेल्या सेल्फी काढायला नदीत अन्...

छिंदवाडा (मध्य प्रदेश): जगभरात सेल्फी काढताना अनेकांना जीव गमवावा लागला आहे. पण, अनेकजण जीव धोक्यात घालून सेल्फी काढण्याचा प्रयत्न करतात. असाच एक प्रसंग येथे घडला असून, दोन युवतींना वाचविण्यात पोलिसांना यश आले आहे. संबंधित व्हिडिओ सोशल मीडियावर व्हायरल झाला आहे.

Video: 'हार कर जीतने वाले को बाजीगर कहते हैं!'

दोन युवती नदीच्या मध्यभागावरील दगडावर उभ्या राहून सेल्फी काढण्याचा प्रयत्न करत होत्या. पण, पाण्याचा प्रवाह वाढल्यामुळे त्या अडकल्या आणि प्रवाहाचा वेग जास्त असल्यामुळे त्यांना नदी ओलांडणे कठीण झाले होते. पाण्याचा वेग वाढायला लागल्यानंतर दोघी घाबरू लागल्या. दोघींच्या मैत्रिणी नदीच्या किनाऱयावर उभ्या होत्या. त्यांनी पोलिसांना याबाबतची माहिती दिली. पोलिसांनी गांभीर्य ओळखून तत्काळ घटनास्थळी धाव घेतली. स्थानिक युवकांना मदतीला घेऊन दोघींना सुखरूप बाहेर काढले.

दरम्यान, युवती पाण्यात अडकून पडल्याचा व्हिडिओ सोशल मीडियावर व्हायरल झाला असून, पोलिसांवर शुभेच्छांचा वर्षाव होत आहे. पण, अनेकांनी प्रतिक्रियांच्या माध्यमातून युवतींवर टीकाही केली आहे. यापूर्वीही सेल्फीच्या नादात अनेकजण पाण्यात वाहून गेले आहेत. युवतींचे नशीब बलवत्तर असल्याने त्यांचा जीव बचावला आहे, अशा प्रतिक्रियाही अनेकांनी नोंदविल्या आहेत.

अंडी विकणारा मुलगा म्हणाला लाच नाही देणार मग....