गर्लफ्रेंडला सुटकेसमध्ये लपवून हॉस्टेलबाहेर नेत होता बॉयफ्रेंड... मग झाले असे काही

सोशल मीडियावर एक व्हिडिओ व्हायरल झाला आहे. त्यात एक मुलगा आपल्या गर्लफ्रेंडला सुटकेसमध्ये लपवून हॉस्टेलबाहेर नेत असल्याचा दावा केला आहे. हॉस्टेल गार्डने तपासणीदरम्यान याप्रकरणी योग्य कारवाई केली आहे. हे प्रकरण जाणून घेऊ. हा व्हिडिओ (Viral Video) ट्विटरवर (Twitter) अनेकांनी शेअर केला आहे. त्यावर अनेकांनी कमेंटस केल्या आहेत. यावर Manipal Suitcase हा हॅशटॅगही व्हायरल झाला आहे.

एका मुलीला सूटकेसमध्ये लपवून हॉस्टेलमधून बाहेर काढत असल्याचा हा व्हिडिओ ट्विटरवर चांगलाच व्हायरल झाला आहे. व्हिडिओनुसार, कॉलेज-हॉस्टेलमधील काही मुलांनी मुलीला एका मोठ्या सुटकेसमध्ये लपवले आणि तिला बाहेर नेण्यास सुरुवात केली. मात्र त्यानंतर गार्डने त्याला गेटजवळ अडवले. सुटकेसच्या तपासणीत त्यातून मुलगी बाहेर आली. हा व्हिडिओ कर्नाटकातील मणिपाल येथील विद्यार्थ्यांचा आहे. हा व्हिडिओ व्हायरल झाल्यानंतर युजर्सनी अनेक कमेंट्स केल्या आहेत. काहींना हा व्हिडिओ मजेशीर वाटला तर काहीनी मुलांच्या या कृत्यावर नाराजी दर्शवली.