मराठा आरक्षण स्थगितीवरील सर्वोच्च न्यायालयातील सुनावणी थोड्यावेळासाठी तहकूब

नवी दिल्ली- मराठा आरक्षण स्थगितीवरील सर्वोच्च न्यायालयात आज (दि.27) सुनावणी सुरु आहे. परंतु, थोड्या वेळासाठी ही सुनावणी तहकूब करण्यात आली आहे. महाराष्ट्र सरकारची पाच न्यायमूर्तींच्या खंडपीठासमोर सुनावणी करण्याची मागणी आहे. आज ही सुनावणी तीन न्यायमूर्तींच्या खंडपीठासमोर सुरु झाली. त्यातच महाराष्ट्र सरकारचे वकील मुकूल रोहतगी हेही गैरहजर असल्याने सर्वोच्च न्यायालयाच्या खंडपीठाने थोड्यावेळासाठी ही सुनावणी तहकूब केली. 

याचिकाकर्त्यांनी पाच न्यायमूर्तींच्या खंडपीठाकडे हे प्रकरण देण्याची मागणी केली होती. त्याप्रमाणे पाच न्यायमूर्तींच्या खंडपीठाकडे याची सुनावणीसाठी परवानगी दिली होती. तरीही हे प्रकरण आज तीन न्यायमूर्तींच्या खंडपीठाकडे सुनावणीसाठी आल्याचे याचिकाकर्ते विनोद पाटील यांनी प्रसारमाध्यमांना सांगितले.

हेही वाचा- लालू-राबडींचे फोटो पोस्टरवरुन 'गायब'; रविशंकर प्रसाद यांचा तेजस्वींना सवाल

न्यायालयासमोर भक्कमपणे बाजू मांडण्याची जबाबदारी राज्य सरकारची असल्याचे विनोद पाटील यांनी सांगितले. 

दरम्यान, मराठा आरक्षणावर राज्याचे सार्वजनिक मंत्री अशोक चव्हाण यांनी सुप्रीम कोर्टाच्या पीठासमोर यापूर्वीच सुनावणी झाली आहे. त्यामुळे मंगळवारची सुनावणी पुन्हा त्याच पीठासमोर होणे राज्य सरकारला मान्य नाही. घटनापीठासमोर हा विषय गेला पाहिजे, अशी भूमिका मांडली होती. 

हेही वाचा- तमिळनाडूची ५० टक्के जागांची मागणी फेटाळली;सर्वोच्च न्यायालयाचे आदेश