- ताज्या
- देश
- शहरशहर
- लोकसभा २०२४
- क्रीडा / IPLक्रीडा / IPL
- साप्ताहिक
- Epaper
- सकाळ मनी
- व्हायरल सत्य
- प्रीमियर
- महाराष्ट्र
- आणखीआणखी
- सकाळ +
- वेब स्टोरीज
- ग्लोबल
- ॲग्रोवन
- साम TV
- सरकारनामा
- दैनिक गोमन्तक
नवी दिल्ली : निर्भया सामूहिक बलात्कार आणि हत्याप्रकरणी दोषी ठरविण्यात आलेल्या आरोपींपैकी एकाने दाखल केलेली फेरविचार याचिका सर्वोच्च न्यायालयाने बुधवारी (ता.18) फेटाळून लावली.
फाशीची शिक्षा कायम ठेवण्याच्या सर्वोच्च न्यायालयाने 2017 मध्ये दिलेल्या निर्णयावर फेरविचार करण्याची मागणी करणारी याचिका अक्षयकुमार सिंह याने केली होती. सर्वोच्च न्यायालयाच्या निकालावर फेरविचार करण्याचे कुठलेही ठोस कारण दिसून येते नाही, असे खंडपीठाने स्पष्ट केले.
निर्भया प्रकरणी फाशीची शिक्षा ठोठावण्यात आलेल्या मुकेश (वय 30), पवन गुप्ता (वय 23) आणि विनय शर्मा (वय 24) यांनी दाखल केलेल्या फेरविचार याचिका न्यायालयाने मागील वर्षीच फेटाळून लावल्या होत्या. त्यामुळे फाशीची शिक्षा झालेल्या चारही आरोपींच्या फेरविचार याचिका न्यायालयाने फेटाळल्याचे आजच्या निर्णयामुळे स्पष्ट झाले. शिक्षा ठोठावण्यात आलेल्या आरोपींकडे आता क्‍युरेटिव्ह याचिका दाखल करण्याचा अखेरचा कायदेशीर पर्याय शिल्लक आहे.
निकालात कमतरता नाही
अक्षयकुमार याने दाखल केलेली फेरविचार याचिका बुधवारी फेटाळून लावताना न्यायाधीश आर. भानूमती यांच्या अध्यक्षतेखालील खंडपीठाने स्पष्ट केले की, अक्षयकुमार याने उपस्थित केलेल्या मुद्यांवर मुख्य निकालावेळीच विचार केला होता. फेरविचार याचिका म्हणजे खटल्याची पुन्हा पुन्हा सुनावणी घेतली जात नाही. शिक्षा ठोठावतानाच न्यायालयाने सर्व बाबींचा विचार करूनच निकाल दिलेला असतो. निर्भया प्रकरणी न्यायालयाने दिलेल्या निकालात आम्हाला कुठलीही कमतरता आढळून आली नाही, असे मत खंडपीठाने मांडले.
फेरविचार याचिका फेटाळण्यात आल्यानंतर अक्षयकुमार याच्या वकिलांनी राष्ट्रपतींकडे दया याचिका दाखल करण्यासाठी तीन आठवड्यांची मुदत देण्याची मागणी खंडपीठाकडे केली. त्यानंतर दिल्ली सरकारची बाजू मांडणारे सॉलिसिटर जनरल तुषार मेहता यांनी खंडपीठाला सांगितले की, राष्ट्रपतींकडे दया याचिका दाखल करण्यासाठी एक आठवड्यांची मुदत देण्याची तरतुद कायद्यात आहे. या प्रकरणी आम्ही कुठलेही मत मांडणार नाही असे सांगत खंडपीठाने सांगितले की, कायद्यानुसार उपलब्ध वेळेत दया याचिका दाखल करण्याबाबतचा निर्णय याचिकाकर्त्यांनी घ्यावयाचा आहे.
फाशी अटळ?
- अक्षयकुमार सिंहची याचिका फेटाळल्याने फाशी अटळ
- आरोपी मुकेश कुमार 'क्‍युरेटिव्ह' यचिका दाखल करण्याच्या विचारात
- अन्य चार आरोपी दया यचिका करणार आहेत का, याची माहिती एका आठवड्यात द्या
- दिल्ली न्यायालयाचा तिहार तुरुंगाच्या अधिकाऱ्यांना आदेश
- निकालाबद्दल निर्भयाच्या आईला समाधान
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.