esakal | राजधानी गारठली; ७१ वर्षांतील निचांक
sakal

बोलून बातमी शोधा

Delhi

प्रदूषणामुळे राजधानी दिल्लीचा श्‍वास घुसमटला असताना कडाक्याच्या थंडीनेही राजधानीला गारठून टाकले आहे. सरता नोव्हेंबर महिना मागील ७१ वर्षांतील सर्वांत थंड महिना होता. या काळामध्ये किमान तापमान १०.२ अंश सेल्सिअसपर्यंत खाली आले होते, अशी माहिती हवामान खात्याच्या अधिकाऱ्यांनी दिली आहे. येत्या काही दिवसांमध्ये मध्य भारतात थंडीचा कडाका वाढण्याची शक्यता असून बिहारला याचा मोठा फटका बसू शकतो.

राजधानी गारठली; ७१ वर्षांतील निचांक

sakal_logo
By
पीटीआय

नवी दिल्ली - प्रदूषणामुळे राजधानी दिल्लीचा श्‍वास घुसमटला असताना कडाक्याच्या थंडीनेही राजधानीला गारठून टाकले आहे. सरता नोव्हेंबर महिना मागील ७१ वर्षांतील सर्वांत थंड महिना होता. या काळामध्ये किमान तापमान १०.२ अंश सेल्सिअसपर्यंत खाली आले होते, अशी माहिती हवामान खात्याच्या अधिकाऱ्यांनी दिली आहे. येत्या काही दिवसांमध्ये मध्य भारतात थंडीचा कडाका वाढण्याची शक्यता असून बिहारला याचा मोठा फटका बसू शकतो.

ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

याआधी १९४९ मध्ये दिल्लीतील किमान तापमान १०.२ अंश सेल्सिअस एवढे नोंदविण्यात आले होते. त्याहीआधी १९३८ मध्ये नोव्हेंबर महिन्यातील किमान तापमान हे ९.६ अंश सेल्सिअस एवढे होते, त्यानंतर १९३१ मध्ये नऊ अं.से आणि १९३० मध्ये ८.९ अं.से एवढ्या तापमानाची नोंद झाली होती. राजधानीच्या परिसरामध्ये ३, २०, २३ आणि २४ नोव्हेंबर रोजी थंडीची तीव्र लाट अनुभवायला मिळाली अशी माहिती हवामान खात्याकडून देण्यात आली.

हिंदू पत्नीला उर्दू शिकण्याची जबरदस्ती करणाऱ्या पतीला अटक

राजस्थानात तीव्र थंडी
जयपूर - राजस्थानातील माउंट अबू येथे रात्री २.० अं.से एवढ्या नीचांकी तापमानाची नोंद झाली आहे.  चुरू येथील पारा ५.५ अं.से, सिकर येथे ६.०, पिलानी येथे ७.१, भिलवाडा ८.०, एरान रोड ८.८, श्रीगंगानगर ९.१ आणि अजमेर येथे ९.८ अं.से तापमानाची नोंद झाली. येत्या काही दिवसांमध्ये राजस्थानातील तापमानामध्ये आणखी घट होण्याची शक्यता आहे.

चीनच्या महाप्रकल्पाला पर्याय

येथे तीव्रता वाढणार
पंजाब, हरियाना, राजस्थान, यूपी, बिहार, झारखंड, छत्तीसगड, प.बंगाल, ओडिशा आणि ईशान्येकडील राज्यांत थंडीची तीव्रता आणखी वाढणार आहे. राजस्थानमध्ये थंडीचा जोर अधिक राहण्याची शक्यता आहे.

भाजपला झटका! कृषी कायद्यावरुन NDAतील मित्रपक्षाने दिली साथ सोडण्याची धमकी 

कडाक्याची थंडी

  • शिमल्यात हिमवृष्टीला सुरवात
  • कोरोनामुळे पर्यटकांची पर्यटनाकडे पाठ
  • बिहारमध्ये थंडीची लाट तीव्र होणार
  • मध्य भारतात तीन महिने कडाक्याची थंडी
  • गुलमर्ग श्रीनगरमधील पारा शून्यावर

Edited By - Prashant Patil

loading image