लग्नाच्या पहिल्या रात्री पत्नीने सांगितलं कटू सत्य; पतीने उचललं ‘हे’ पाऊल | Husband Wife | Sakal
sakal

बोलून बातमी शोधा

HUSBAND WIFE RELATION
लग्नाच्या पहिल्या रात्री पत्नीने सांगितलं कटू सत्य; पतीने उचललं ‘हे’ पाऊल | Husband Wife

लग्नाच्या पहिल्या रात्री पत्नीने सांगितलं कटू सत्य; पतीने उचललं ‘हे’ पाऊल

मध्य प्रदेशातील ग्वाल्हेरमध्ये एका नवविवाहित महिलेने हनिमूनला पतीसमोर असे सत्य उघड केले, ज्यामुळे संपूर्ण आयुष्यच बदलून गेले. लग्नापूर्वी आपल्यावर बलात्कार झाल्याचे पत्नीने पतीला सांगितले. हे ऐकल्यानंतर पतीने दुसऱ्या दिवशी पत्नीला सोडले आणि विवाह रद्द ठरवण्यासाठी कौटुंबिक न्यायालयात अर्ज दाखल केला. हे प्रकरण कौटुंबिक न्यायालयात 3 वर्षे चालले. त्यानंतर न्यायालयाने या प्रकरणावर सुनावणी घेत हा विवाह अवैध घोषित करण्याचे आदेश दिले. (The bitter truth told by the wife on the first night of the wedding; The husband took this step)

हेही वाचा: कोल्हापुरात घडला किळसवाणा प्रकार; घोरपडवर बलात्कार!

वास्तविक, ग्वाल्हेरमध्ये राहणाऱ्या २५ वर्षीय तरुणाचे २०१९ मध्ये शहरातील २१ वर्षीय तरुणीशी लग्न झाले होते. लग्नानंतर हनिमूनच्या वेळी पत्नीने तिच्या वैयक्तिक आयुष्यातील काही किस्से सांगितले. यादरम्यान पत्नीने पतीला एक अशी गोष्ट सांगितले की ती ऐकून तिचा संसार धोक्यात आला. लग्नापूर्वी आपल्यावर बलात्कार झाल्याचे पत्नीने पतीला सांगितले. ही बाब पतीला कळताच तो हैराण झाला. त्याने हा प्रकार घरच्यांना सांगितला. घरच्यांच्या संमतीने पतीने पत्नीला माहेरी सोडले आणि पुन्हा तिला आणण्यासाठी गेला नाही. हे प्रकरण जेव्हा समोर आले तेव्हा दोन्ही कुटुंबांमध्ये चर्चा झाली. हे सत्य सर्वांसमोर आले तेव्हा सर्वांनाच आश्चर्याचा धक्का बसला.

हेही वाचा: युक्रेनमध्ये तरुणींची बलात्कार करुन हत्या; रशियन सैन्यावर गंभीर आरोप

कौटुंबिक न्यायालयाने विवाह 'रद्द' घोषित केला-

पत्नीच्या मामाच्या मुलानेच तिच्यावर बलात्कार केल्याचे समोर आले. लग्न मोडल्यानंतर पीडितेने आरोपी तरुणाविरुद्ध बलात्काराचा गुन्हा दाखल केला, मात्र त्यानंतरही पती तिला ठेवण्यास तयार नव्हता. या प्रकरणी पतीने कौटुंबिक न्यायालयात विवाह रद्द ठरवण्यासाठी अर्ज केला. याप्रकरणी पत्नीला तिचा जबाब देण्यासाठी अनेकवेळा नोटीस देण्यात आली, मात्र ती आली नाही. त्यानंतर न्यायालयाने हा विवाह रद्द ठरवला.

Web Title: The Bitter Truth Told By The Wife On The First Night Of The Wedding The Husband Took This Step

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top