Dream House : दीड कोटींचे घर वाचवण्यासाठी शेतकऱ्याची शक्कल

दीड कोटी रूपयांचे बनवले होते घर

नव्याने तयार होणाऱ्या एक्सप्रेस वेमुळे पंजाबच्या संगरूर जिल्ह्यातील शेतकरी सुखविंदर सिंह सुखी यांचे घर जाणार होते. त्यांनी दीड कोटी लाऊन आपले ड्रीम हाऊस बनवले होते पण दिल्ली-अमृतसर-कटरा एक्सप्रेसवे मध्ये आला. ज्यामुळे मोबदला घेऊन घर नष्ट होताना बघावे या शिवाय अजून काही पर्याय नव्हता. मात्र या शेतकऱ्याच्या जिद्दीमुळे एक अनोखा उपाय केला. या उपयाचा वापर परदेशात कधीपासूनच होत आहेत. मात्र भारतात फार प्रचलीत नाही.

घेऊन गेले ५०० फूट लांब

सूखविंदर यांनी आपल्या दूमजली घराला वाचवण्यासाठी मुख्य रस्त्यापासून ५०० फूट आत नेत आहेत. त्यांनी आधीच २५० फूट आत नेले आहे. २५० फूट शिफ्ट करायचे बाकी आहे.

सुखविंदर यांच्या या घराची सोशल मीडियावर जबरदस्त चर्चा होत आहे. हे घर शिफ्ट करताना या गोष्टीची विशेष काळजी घेतली जात आहे की, घराला कोणतेही नुकसान पोहचू नये. या शिफ्टींगसाठी घराच्या पायाखाली चाके लावून हे घर शिफ्ट केले जात आहे. दोन महिन्यांच्या मेहनती नंतर २५० फूट मागे सरकवले गेले आहे. असे सांगितले जात आहे की, ५०० फूट मागे सरकण्यासाठी एकूण ४० लाख रूपये खर्च येणार आहे.

मोबदला घेण्यास दिला नकार

सुखविंदर यांनी कधी विचार नव्हता केला की, त्यांना त्यांचे अर तिथून हलवावे लागेल. पण एक्सप्रेसवे मुळे त्यांना हे करावे लागले आहे. घर अजून एकदम नवीन आहे. त्यामुळे त्यांना आपले घर तिथून शिफ्ट करणेच योग्य वाटले. त्यांना सरकारने मोबदला देऊ केला होता पण त्यांनी तो घेण्यास नकार दिला.आणि शिफ्ट करणेच योग्य समजले.