विद्यार्थीनीने विरोध केला म्हणून जाळले जिवंत...

two youth burn child alive in chattisgarh
two youth burn child alive in chattisgarh

बेमेतारा (छत्तीसगड): एका 14 वर्षीय विद्यार्थीनीवर गावातील दोन विद्यार्थ्यांनी बलात्काराचा प्रयत्न केला होता. मात्र, विद्यार्थीनीने त्यांचा प्रयत्न हाणून पाडल्यामुळे त्यांनी तिला पेटवून दिले. 80 टक्के भाजलेल्या विद्यार्थीनीचा उपचारादरम्यान मृ्त्यू झाल्याने खळबळ उडाली आहे.

छत्तीसगडमधील बेमेतारा जिल्ह्यात ही घटना घडली आहे. पीडित विद्यार्थीनी आणि पेटवून देणारे विद्यार्थी एकाच शाळेत शिक्षण घेत असून, ते पुढील वर्गातील आहेत. मृत्यूपूर्वी पीडित विद्यार्थीनीने गावातील दोघांनी बलात्कार करण्याचा प्रयत्न केल्याची माहिती पोलिसांना दिली होती. पोलिस अधिकाऱ्यांनी दिलेल्या माहितीनुसार, 22 जून रोजी दाढी पोलिस स्टेशन भागात दोघांनी एका मुलीला जिवंत जाळण्याचा प्रयत्न केल्याची माहिती मिळाली होती. गंभीर जखमी झालेल्या मुलीला उपचारासाठी रायपूर येथील रुग्णालयात दाखल करण्यात आले होते. रुग्णालयात जाऊन तिच्याकडून माहिती घेण्यात आली होती. यावेळी दोघांनी बलात्काराचा प्रयत्न केला होता. विरोध केल्यामुळे त्यांनी जाळल्याचे तिने सांगितले. पण, उपचारादरम्यान पीडित विद्यार्थीनीचा बुधवारी (ता. 24) मृत्यू झाला. याप्रकरणी गुन्हा दाखल करण्यात आला आहे.

दरम्यान, दोघांना अटक करण्यात आली असून, त्यांची चौकशी सुरू आहे. पीडित मुलीच्या घराजवळ त्यांनी पेटवून दिले होते. मुलीचा मृत्यू झाल्याचे समजल्यानंतर परिसरात खळबळ उडाली आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com