पुढील २४ तासांत 'या' राज्यांत गारठा वाढणार; हवामान विभागाची माहिती

महाराष्ट्रात पुढील 24 तासांत थंडीची तीव्रता वाढणार आहे.
cold wave
cold waveesakal
Summary

महाराष्ट्रात पुढील 24 तासांत थंडीची तीव्रता वाढणार आहे.

गेल्या काही दिवसांपासून देशासह राज्याच्या वातावरणात अचानक बदल झाला आहे. पुढील दोन दिवसांत पुन्हा थंडीची लाट येण्याची शक्यता भारतीय हवामान खात्यानं (IMD) वर्तवली आहे. मागील काही दिवसांपासून देशातील अनेक राज्यांमध्ये थंडीचा तडाखा वाढला आहे. दरम्यान, आता पुन्हा एकदा येत्या २४ तासांत थंडी वाढण्याची शक्यता असल्याची माहिती हवामान खात्यानं दिली आहे. (Cold Wave) देशातील किमान तापमानात जास्त बदल नसला तरी नंतर हळूहळू हा बदल होऊन थंडी वाढण्याची शक्यता वर्तवण्यात आली आहे.

cold wave
राज्यात 'हुडहुडी' नागपूरमध्ये पारा ८.३ अंशांवर

हवामान खात्याने दिलेल्या माहितीनुसार, पुढील २४ तासांत मध्य भारतात किमान तापमानात जास्त बदल होणार नाही मात्र नंतर हळूहळू हा बदल वाढण्याची शक्यता आहे. त्यामुळे पुढील 24 तासांत थंडीची तीव्रता वाढणार आहे. याचा परिणाम देशातील मध्य प्रदेश, (MP) विदर्भ व‌ छत्तीसगड या काही ठराविक भागात जाणवणार असून कालांतराने ही तीव्रता कमी होईल. त्यामुळे पुढील २४ तासांत महाराष्ट्रातील (Maharashtra) विदर्भ, छत्तीसगड आणि मध्य प्रदेशातील काही भागांत थंडीच्या लाटेची शक्यता असून तिची तीव्रता हळूहळू कमी होणार असल्याचे स्पष्ट केलं आहे.

cold wave
भारत बायोटेक : इंट्रानेसल बूस्टर डोसच्या ट्रायलला DGCI ची परवानगी

दरम्यान, राज्यात कोकण, (Konkan) मध्य आणि पश्चिम महाराष्ट्रातील अनेक जिल्हे गारठले आहेत. तर उत्तर महाराष्ट्र आणि विदर्भातही थंडीचा कहर सुरूच असून, नागपूरसह सर्वच जिल्ह्यांतील पाऱ्यात पुन्हा मोठी घट झाली आहे. थंडीच्या तीव्र लाटेमुळे नागपूरच्या तापमानात दीड अंशाची घसरण होऊन पारा विदर्भात नीचांकीवर आला. हवामान विभागाने विदर्भात आणखी चोवीस तासांचा ‘येलो अलर्ट’ (Yellow alert) दिला असला तरी, त्यानंतरही काही दिवस थंडीचा कडाका कायम राहणार आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com