सरकारी नोकरीचा थाट; हुंड्यासाठी अडून बसलेल्या नवरदेवाचा Video Viral

भारतात हुंडाबंदी कायदा असला तरी अनेक ठिकाणी त्याचे पालन केले जात नाही. प्रत्येक राज्याचे सरकार हुंडा प्रथा कमी करण्यासाठी प्रयत्न करत आहे. पण तरीही अनेक ठिकाणी हुंडा घेतला जात आहे. काही लोकं हुंडा घेणे हा हक्क मानतात. लग्नमंडपात हुंड्यावरून अडून बसणारे महाभाग आहेत. सध्या सोशल मीडियावर असाच व्हिडिओ व्हायरल होत आहे. या व्हिडिओतील नवऱ्याच्या मागण्या बघून लोकं प्रचंड चिडले आहेत. मुलीकडच्यांनी मुलाच्या मागण्या मान्य न केल्याने ऐन लग्नातच हुंडा नाही दिला तर लग्न मोडण्याची धमकी मुलगा देत असताना व्हिडिओत बघायला मिळते. हा मुलगा सरकारी नोकरी करत असून त्याचे वडील शिक्षक आहेत.

ही घटना बिहारमधली असल्याचे सांगितले जाते आहे. या व्हिडिओत मुलगा-मुलगी स्टेजवर उभे आहेत. व्हिडिओ तयार करणारा माणूस लग्न करण्याचे कारण काय?असे विचारतो. तेव्हा आपली डिमांड पूर्ण न झाल्याने असं करत असल्याचे सांगतो. त्याला पैसे किंवा सामान अजूनही मिळालेले नाही. मुलीकडून एक चेन देण्याचे कबूल केले होते. तीही अजून मिळालेली नाही. मग मी कोणत्या आधारावर लग्न करू? असं तो म्हणत असताना दिसतो.

ट्विटरवर हा व्हिडिओ आयपीएस अधिकारी दीपांशु काबराने शेअर केला आहे. त्यात ते म्हणतात.जोपर्यंत देशात हुंडा मागण्याची लोभी मानसिकता कमी होत नाही तोवर Womens Day, Women Empowerment Day असं मानणं व्यर्थ आहे. अशा माणसांना शिक्षा होणे गरजेचे आहे.