Video: आई शपथ! बैलालाच बसवले दुचाकीवर...

youth and bull double seat traveling on bike video viral
youth and bull double seat traveling on bike video viral

नवी दिल्ली : दुचाकीवरून कुत्रे, मांजर किंवा कोंबड्या प्रवास करताना दिसतात. पण, दुचाकीवर बैल कधी बसलेला पाहिला का? उत्तर नाही असेल. एक व्हिडिओ व्हायरल होत असून, यामध्ये एका दुचाकीवरून चक्क बैल प्रवास करताना दिसत आहे.

व्हायरल होत असलेल्या व्हिडिओमध्ये पाहायला मिळते की, एका युवकाने दुचाकीवर आपल्यासोबत डबलसीट म्हणून चक्क बैलाला बसवले आहे. बैलाचा तोल जाऊ नये अथवा तो हलू नये म्हणून त्याला बांधण्यात आले आहे. दुचाकीवर बैल शांतपणे बसून प्रवासाचा आनंद घेत आहे. दुचाकीचालक पण पडण्याची भिती न बाळगता वाहन चालवत असल्याचे पाहायला मिळते. प्रवासादरम्यान अनेकजण त्यांच्याकडे पाहताना दिसतात. एका मोटारीमधील नागरिकाने संबंधित क्षण कैद करून व्हिडिओ व्हायरल केला आहे. पण, हा व्हिडिओ नेमका कोणत्या भागातील आहे, याबाबतची माहिती समजू शकलेली नाही.

दरम्यान, व्हिडिओ व्हायरल झाल्यानंतर अनेकजण प्रतिक्रियांच्या माध्यमातून व्यक्त होत आहेत. युवकाचा बैलावर आणि बैलाचा युवकावर किती विश्वास आहे, हे पाहायला मिळते. बैल जागचा हलत नाही तर युवक सराईतपणे वाहन चालवत असल्याचे पाहायला मिळते, याला विश्वास म्हणतात, अशा प्रतिक्रिया नोंदविल्या जात आहेत.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com