युवकांकडून श्वानावर अत्याचार; व्हिडिओ व्हायरल

चरखी दादरी (हरियाणा): एका युवकाने श्वानाच्या मागील दोन्ही पायांना पकडून गरागरा फिरून जोरात फेकून दिले. यावेळी श्वान विव्हळत असल्याचे व्हिडिओमध्ये पाहायला मिळते. संबंधित व्हिडिओ सोशल मीडियावर व्हायरल झाला असून, प्राणी मित्र संघटनेने कारवाईची मागणी केली आहे.

बाळाला पुरलं जीवंत अन् रात्री आला रडण्याचा आवाज...

गेल्या काही दिवसांपासून मुक्या प्राण्यांना अमानुषपणे वागणूक दिल्याचे प्रमाण वाढताना दिसत आहे. केरळमध्ये गर्भवती हत्तीणीसोबत घडलेल्या प्रकारानंतर देशभर संतापाची लाट उसळली होती. काही श्वानांना विष देऊन मारल्याचा प्रकार उघडकीस आले होते. आता श्वानाचा संतापजनक व्हिडिओ सोशल मीडियावर व्हायरल होत आहे. या व्हिडिओमध्ये काही युवक एकत्र आले आहेत. एका युवकाने श्वानाला प्रथम दोन पायांवर चालवण्याचा खेळ केला. यानंतर गरागरा फिरवत असताना श्वान विव्हळत आहे. शिवाय, गरागरा फिरवल्यानंतर त्याला रस्त्यावर फेकून दिले. यावेळी उपस्थित असलेले युवक आनंद घेत असल्याचा आवाज ऐकू येत आहे. पण, या युवकाला कोणीच थांबवण्यासाठी पुढाकार घेत नाही.

Video: शानदार झेल घेणारी मांजर व्हायरल...

दरम्यान, या युवकांनी संबंधित व्हिडिओ सोशल मीडियावर व्हायरल केला आहे. व्हिडिओ व्हायरल झाल्यानंतर पेटा संस्थेने या तीन युवकांविरोधात पोलिसांकडे तक्रार दाखल केली आहे. शिवाय, तिघांवर तातडीने कारवाई करण्याची मागणी पोलिसांना केली आहे. पोलिस व्हिडिओमधील युवकांचा शोध घेत आहेत.