- ताज्या
- देश
- शहरशहर
- लोकसभा २०२४
- क्रीडा / IPLक्रीडा / IPL
- साप्ताहिक
- Epaper
- सकाळ मनी
- व्हायरल सत्य
- प्रीमियर
- महाराष्ट्र
- आणखीआणखी
- सकाळ +
- वेब स्टोरीज
- ग्लोबल
- ॲग्रोवन
- साम TV
- सरकारनामा
- दैनिक गोमन्तक
अलवर (राजस्थान) : मॉब लिंचिंगच्या नावाखाली अलवर हा जिल्हा देश-विदेशात बदनाम झाला आहे, पण अलवरमधीलच २१ वर्षीय शुभम यादवने सेंट्रल युनिव्हर्सिटी ऑफ काश्मीरच्या इस्लामिक स्टडीजच्या परीक्षेत पहिला क्रमांक मिळवून देशात अलवरचं नाव चांगल्या कारणासाठी चर्चेत आणलं आहे.
याबरोबरच शुभम हा देशातील पहिला बिगर काश्मिरी आणि गैर मुस्लिम तरुण ठरला आहे. शुभम म्हणाला की, मुस्लीम फोबिया आणि ध्रुवीकरणाचे वातावरण बदलण्यासाठी हा अभ्यास निवडण्याचे ठरवले होते आणि त्यात यशस्वी झालो. सध्या तो दिल्ली विद्यापीठात एल.एल.बी.चे शिक्षण घेत आहे आणि पुढे नागरी सेवेत जाण्याची इच्छा त्याने व्यक्त केली.
"जगभरात वाढती इस्लामोफोबिया आणि वाढते धार्मिक ध्रुवीकरण पाहिल्यानंतर माझी इस्लामबद्दलची उत्सुकता वाढली. सोबत मित्रांची साथही मिळाली आणि देशात पहिला बिगर काश्मिरी आणि गैर मुस्लिम ठरण्याचा मान मिळाला. एकमेकांचा धर्म समजून घेणे आणि त्यामध्ये सामंजस्य ठेवणे फार महत्वाचे आहे. दुर्दैवाने, इस्लाम आणि इस्लामिक साहित्यात खूप पुराणमतवाद आहेत.
"फक्त मुस्लिमांचाच नाही तर इस्लामी कायदा आणि संस्कृतीचा पाठपुरावा याचा अभ्यास यावेळी करता आला. भविष्यात मला प्रशासकीय सेवेत जायचे आहे. हिंदू आणि मुस्लिम यांच्यात सुसंवादी यंत्रणेची आवश्यकता भविष्यात भासेल. यासाठी प्रशासनाला धर्माबाबतचे अधिक ज्ञान असणार्‍या लोकांची आवश्यक पडेल. आणि जर असे झाले, तर मला त्याठिकाणी काम करायला आवडेल.
महत्त्वाची गोष्ट म्हणजे, इस्लामी स्टडीजच्या परीक्षेत टॉप केलेल्या ९३ गैर मुस्लीम आणि बिगर काश्मिरी उमेदवारांना सेंट्रल युनिव्हर्सिटी ऑफ काश्मीरने सन्मानित केले आहे.
शुभमचे वडील प्रदीप यादव हे अलवरमध्ये किराणा दुकान चालवतात, तर त्याची आई इंदुबाला या इतिहास विषयाच्या शिक्षिका आहेत. शुभमने तत्वज्ञान आणि एलएलबीमध्ये पदवीचे शिक्षण पूर्ण केले आहे. इस्लामिक स्टडीजमध्ये पुढील शिक्षण घेणार नसल्याचे त्याने सांगितले. तो म्हणाला, ''माझी पहिली प्राथमिकता दिल्ली विद्यापीठातून कायद्याचे पूर्ण शिक्षण करण्याकडे आहे. तसेच भविष्यात मला यूपीएससी परीक्षेची तयारीदेखील करायची आहे.''
- एज्युकेशन संबंधी इतर बातम्या वाचण्यासाठी येथे ► क्लिक करा
(Edited by : Ashish N. Kadam)
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.