IISERच्या पुणे शाखेत नोकरीची सुवर्णसंधी

मुंबई : IISER येथे Junior Site Engineer, Technical Assistant आणि Senior Teaching Associate या पदांवर भरती सुरू करण्यात आली आहे. पदव्युत्तर पदवी शिक्षण पूर्ण केलेले अनुभवी उमेदवार या पदांसाठी अर्ज करू शकतात.

Junior Site Engineer, Technical Assistant यासाठी ३ पदे रिक्त आहेत. TVM या शाखेतील ही पदे आहेत. यासाठी ३० एप्रिलपर्यंत अर्ज करता येईल. Junior Site Engineer (Civil) आणि Junior Site Engineer (Electrical) या पदांसाठी उमेदवाराकडे बी. टेक. ही पदवी असणे आवश्यक आहे. वय ३५ वर्षांपर्यंत असावे.

Technical Assistant पदासाठी बी. एससी. ही पदवी असावी. वय ३५ वर्षांपेक्षा अधिक नसावे. या तिन्ही पदांसाठी २५ हजार रुपये इतके वेतन देण्यात येईल. या पदांसाठी कोणतेही अर्ज शुल्क नाही. उमेदवारांची निवड मुलाखतीच्या आधारे होईल.

पुणे शाखेत Senior Teaching Associateची ३ पदे रिक्त आहेत. यासाठी ७ मे या दिवशी मुलाखत होईल. या पदासाठी अर्ज करणाऱ्या उमेदवाराचे वय ४५ वर्षांपेक्षा अधिक नसावे. आरक्षित वर्गांना या सवलत दिली जाईल. निवड झालेल्या उमेदवारांना ३८ हजार ते ४२ हजार रुपये वेतन दिले जाईल.

इच्छुक उमेदवाराकडे जैवविज्ञानातील पदवी आणि अनुभव असावा. यासाठी कोणतेही अर्ज शुल्क नाही. उमेदवारांची निवड मुलाखतीच्या आधारे होईल.