वजन कमी करायचंय? मग सकाळच्या नाश्त्यात ओट्स हवेतच; कारण.... |Healthy Lifestyle | Sakal
sakal

बोलून बातमी शोधा

Oats

वजन कमी करायचंय? मग सकाळच्या नाश्त्यात ओट्स हवेतच; कारण....

सकाळच्या नाश्त्यात काय खावे? हा प्रश्न प्रत्येकाला पडतो. मात्र हेल्दी आणि पोटभर नाश्ता खायचा असेल तर ओट्स हा उत्तम पर्याय आहे. ओट्स हे आरोग्यासाठी खूप फायदेशीर मानले जाते. ओट्समध्ये फायबर, अँटिऑक्सिडंट्स आणि जीवनसत्त्वे भरपूर प्रमाणात असतात. ओट्स वजन कमी करण्यासाठी आणि प्रतिकारशक्ती वाढवण्यासाठी देखील खूप जास्त प्रभावी आहेत. सकाळच्या नाश्त्यात ओट्सचे घेणे अत्यंत फायदेशीर आहे. सकाळच्या नाश्त्यात ओट्स खाल्ल्याने तुम्हाला दिवसभर एनर्जी मिळू शकते.

हेही वाचा: डोळ्यांखाली Dark circles येणं हा गंभीर आजार असू शकतो; जाणून घ्या सविस्तर

1.वजन कमी करण्यासाठी ओट्स फायदेशीर

सकाळच्या नाश्त्यात ओट्स खाल्ल्याने वजन नियंत्रणात राहण्यास मदत होते. ओट्समध्ये जास्त प्रमाणात फायबर असते, ज्यामुळे पोट भरलेले राहते. भूक लवकर लागत नाही आणि वजनही नियंत्रणात राहते. जर तुम्हाला तुमचे वजन कमी करायचे असेल तर नाश्त्यात ओट्सचा समावेश करणे आवश्यक आहे.

2. हार्ट निरोगी राहते

नाश्त्यामध्ये ओट्स खाल्ल्याने हार्ट नेहमी निरोगी राहते. ओट्स खाल्ल्याने शरीरात जमा झालेले खराब कोलेस्ट्रॉल हळूहळू कमी होते.सोबतच ओट्समध्ये असलेले ओमेगा ३ अॅसिड हार्टसाठी खूप फायदेशीर आहे.

हेही वाचा: Belly Fat कमी करायचं आहे? सकाळच्या नाश्त्यात ट्राय करा 'हे' तीन पदार्थ

3. रोगप्रतिकारशक्ती वाढवतात

कोणत्याही आजाराचा सामना करण्यासाठी शरीराची प्रतिकारशक्ती मजबूत असणे आवश्यक असते. नाश्त्यात ओट्स खाऊन तुम्ही प्रतिकारशक्ती वाढवू शकता. ओट्समध्ये भरपूर जीवनसत्त्वे आणि प्रथिने असतात, ज्यामुळे शरीराची प्रतिकारशक्ती वाढता येते.

4. एनर्जीसाठी ओट्स खा

सकाळच्या नाश्त्यात ओट्स खाल्ल्याने तुम्हाला दिवसभर एनर्जी राहते. ओट्समध्ये कॅल्शियम, पोटॅशियम, व्हिटॅमिन बीचा सुद्धा समावेश असतो. जर तुम्ही घराबाहेर जात असाल तर ओट्स खाऊन जा. यामुळे तुम्हाला दिवसभर फारशी भूक लागणार नाही.

Web Title: Oats In Breakfast Is Very Helpful For Weight Loss

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top