Cooking Tips : भजी क्रिस्पी करण्यासाठी वापरा या ५ टिप्स

तसे तर भजी बनवणे फार सोपे आहे पण नीट बनले नाही तर मजा येत नाही. म्हणूनच आम्ही अशा काही टिप्स घेऊन आलो आहोत ज्यामुळे भजी कुरकुरीत आणि चविष्ट बनतील.

तर जाणून घेऊया टिप्स

१) टपरीवाल्यासारखे कुरकुरीत भजी हवी असतील तर भज्याच्या बॅटरमध्ये थोडेसे तांदळाचे पीठ कालवा. जर ४ कप बेसन पीठ घेतले तर १ कप तांदळाचे पीठ घ्या.

२) जर तुमच्याकडे तांदळाचे पीठ नसेल तर काळजी करण्याचे कारण नाही. बॅटरमध्ये २ चमचे अरारुट पावडर मिक्स करा म्हणजे भजी कुरकुरीत होतील.

३) भजी क्रिस्पी बनवण्यासाठी त्यांना योग्य पध्दतीने बनवणे आवश्यक असते. त्यामुळे जर भज्यांमध्ये भाज्या घलणार असाल तर त्या एकदम बारीक चिराव्या.

४) भजी क्रिस्पी होण्यासाठी तेल योग्यप्रमाणात तापलेले असणे आवश्यक आहे. कढईत तेल घेतल्यावर ते चांगले तापू द्यावे. जर खूप जास्त तापले तर भजी वरून जळतात आणि आतून कच्चे राहतात. भजी तळण्यासाठी गॅस मीडियम आचेवर ठेवावा.

५) जर तुम्हाला वाटत असेल की, भज्यांमध्ये तेल कमी ॲब्जॉर्ब व्हावे, तर तेलात अर्धा चमचा मीठ घाला. यामुळे तेल कमी ॲब्जॉर्ब होईल आणि भजी क्रिस्पी होतील.